अर्थ/ब्यापार
धादिङ । धादिङ जिल्लाका १३ वटै स्थानीय तहले आगामी आर्थिक वर्ष २०८३/०८४ का लागि बजेट सार्वजनिक गरेका छन्। जिल्लामा कुल ९ अर्ब ४६ करोड ५७ लाख ७८ हजार ३ सय ८९ रुपैयाँ बराबरको बजेट सार्वजनिक गरिएको छ ।
स्थानीय तहहरूले प्रस्तुत गरेका बजेटमा कृषि, शिक्षा, स्वास्थ्य, युवा, पूर्वाधार विकास, रोजगार प्रवर्द्धन तथा सुशासनलाई प्राथमिकतामा राखिएको छ ।
सीमित स्रोत–साधनको अधिकतम उपयोग गर्दै नागरिकको जीवनस्तर सुधार गर्ने, स्थानीय सेवा प्रवाहलाई प्रभावकारी बनाउने तथा उत्पादनमुखी क्षेत्रको विकासलाई जोड दिने लक्ष्यसहित बजेट ल्याइएको जनाइएको छ ।
स्थानीय तहहरुले स्थानीय आवश्यकता, विकास निर्माण तथा सेवा प्रवाहलाई केन्द्रमा राखेर बजेट विनियोजन गरिएको जनाइएको छ।
जिल्लामा सबैभन्दा ठूलो बजेट नीलकण्ठ नगरपालिकाले १ अर्ब २४ करोड ८८ हजार रुपैयाँ प्रस्तुत गरेको छ भने धुनिवेशी नगरपालिकाले १ अर्ब ३ करोड ९५ लाख ७० हजार ८ सय रुपैयाँ बजेट ल्याएको छ ।
त्यस्तै बेनीघाट रोराङ गाउँपालिकाले ९१ करोड ९९ लाख रुपैयाँ, थाक्रे गाउँपालिकाले ८४ करोड ८ लाख २९ हजार रुपैयाँ र गजुरी गाउँपालिकाले ७३ करोड १५ लाख ४ हजार रुपैयाँ बजेट सार्वजनिक गरेका छन् ।
यस्तै गल्छी गाउँपालिकाले ६७ करोड ६० लाख ४३ हजार १ सय २९ रुपैयाँ, त्रिपुरासुन्दरी गाउँपालिकाले ६१ करोड २५ लाख ७९ हजार रुपैयाँ, गङ्गाजमुना गाउँपालिकाले ६० करोड ५३ लाख रुपैयाँ, ज्वालामुखी गाउँपालिकाले ५७ करोड ९० लाख ५२ हजार २ सय रुपैयाँ, सिद्धलेक गाउँपालिकाले ६० करोड ५० लाख ४५ हजार २ सय ६० रुपैयाँ बजेट सार्वजनिक गरेका छन् ।
यसैगरी खनियाबास गाउँपालिकाले ४४ करोड २६ लाख रुपैयाँ, रुवी भ्याली गाउँपालिकाले ४१ करोड २२ लाख रुपैयाँ र नेत्रावती डबजोङ गाउँपालिकाले ४० करोड ५० लाख ६७ हजार रुपैयाँ बजेट सार्वजनिक गरेका छन् ।
पालिकाहरूले शिक्षा, स्वास्थ्य तथा स्थानीय उत्पादन र रोजगारी सिर्जनालाई विशेष प्राथमिकतामा राखेका छन् ।
कृषि क्षेत्रको आधुनिकीकरण, सडक तथा पूर्वाधार निर्माण, खानेपानी, पर्यटन प्रवर्द्धन, युवा स्वरोजगार तथा सामाजिक सुरक्षा कार्यक्रमलाई समेत बजेटले समेटेको छ ।
स्थानीय तहहरूले प्रस्तुत गरेका बजेट तथा कार्यक्रम कार्यान्वयनबाट आर्थिक गतिविधि बढ्नुका साथै नागरिकलाई गुणस्तरीय सेवा उपलब्ध गराउन सहयोग पुग्ने अपेक्षा गरिएको छ ।
केही स्थानीय तहहरूले प्रस्तुत बजेट गाउँसभा तथा नगरसभाबाट पारित गरिसकेका छन् भने केही पालिकाहरूमा बजेटमाथिको छलफल तथा पारित प्रक्रिया अझै बाँकी रहेको छ।
असार मसान्तभित्र सबै पालिकाले बजेट पारित गरी आगामी साउन १ गतेदेखि कार्यान्वयनमा लैजाने तयारी गरेका छन्।
पालिकागत बजेट विवरण अनुसार:
नीलकण्ठ नगरपालिका– १ अर्ब २४ करोड ८८ हजार रुपैयाँ
धुनिवेशी नगरपालिका– १ अर्ब ३ करोड ९५ लाख ७० हजार ८ सय रुपैयाँ
बेनीघाट रोराङ गाउँपालिका– ९१ करोड ९९ लाख रुपैयाँ
थाक्रे गाउँपालिका– ८४ करोड ८ लाख २९ हजार रुपैयाँ
गजुरी गाउँपालिका– ७३ करोड १५ लाख ४ हजार रुपैयाँ
गल्छी गाउँपालिका– ६७ करोड ६० लाख ४३ हजार १ सय २९ रुपैयाँ
त्रिपुरासुन्दरी गाउँपालिका– ६१ करोड २५ लाख ७९ हजार रुपैयाँ
गङ्गाजमुना गाउँपालिका– ६० करोड ५३ लाख रुपैयाँ
सिद्धलेक गाउँपालिका– ६० करोड ५० लाख ४५ हजार २ सय ६० रुपैयाँ
ज्वालामुखी गाउँपालिका– ५७ करोड ९० लाख ५२ हजार २ सय रुपैयाँ
खनियाबास गाउँपालिका– ४४ करोड २६ लाख रुपैयाँ
रुवी भ्याली गाउँपालिका– ४१ करोड २२ लाख रुपैयाँ
नेत्रावती डबजोङ गाउँपालिका– ४० करोड ५० लाख ६७ हजार रुपैयाँ
१३ वटै पालिकाको समग्र बजेट कस्तो आयो ?, थाहा पाउनको लागि तलको लिकंमा क्लिक गर्नुहोस्
आर आर मिडिया हाउसद्वारा संचालित
बागमती कलम डट कम (bagmatikalam.com)
मुख्य कार्यालय : सिद्धलेक गा.पा.-२, धादिङ
सम्पर्क कार्यालय : नीलकण्ठ न.पा.-३, धादिङबेसी,धादिङ
ईमेल: [email protected]
सम्पर्क फोन- ९८६६०७७७९९, ९८६०७२७११२
सञ्चार रजिष्ट्रारको कार्यालय,वागमती प्रदेश द.नं :
००१५८-२०७९/०८०
सूचना विभाग दर्ता नम्बर: ३७१९-२०७९/०८०
प्रेस काउन्सिल दर्ता न: ३७०७
| संचालक तथा सम्पादक: | अनिल कुमार नेपाली |
| सह सम्पादक: | प्रकाश अछामी | कार्यक्रारी सम्पादक: | बिनोद तमु |
| ब्यबस्थापक: | |
| कानूनी सल्लाहकार: | |
| बजार ब्यबस्थापक: |
