धादिङ प्रशासनको निर्देशनपछि जिल्लाका १७१ वटा क्रसर उद्योग बन्द

धादिङ,२९ पुष ।
धादिङमा अवैध रूपमा सञ्चालनमा रहेको क्रसरहरू बन्द गराइको छ ।

गृह मन्त्रालयको परिपत्रअनुसार जिल्ला प्रशासन कार्यालय धादिङले अवैधरूपमा सञ्चालित क्रसर बन्द गर्न निर्देशन दिएपछी जिल्लाकासबै १७१ वटा क्रसर र बालुवा धुने फिरफिरे लगाएत बालुवा र ढुङ्गा खानी बन्द गराइएको हो । वर्षौदेखि नविकरण तथा मापदण्डविपरित सञ्चालनमा रहेको अवैध क्रसरहरु आइतबारदेखि संञ्चालनमा पुर्ण रोक लगाएको छ ।

गृहले प्राकृतिक श्रोतको उत्खनन् र अबैध रुपमा निकासी पैठारी भएको भन्दै तत्काल बन्द गर्न निर्देशन गरेपछी जिल्ला प्रशासन कार्यालय धादिङले पनि सबै उद्योग र खानीहरु बन्द गर्न निर्देशन दिएको धादिङका प्रमुख जिल्ला अधिकारी कृष्णप्रसाद लम्सालले जानकारी दिनुभयो ।

सबै क्रसर तथा बालुवा प्रशोधनहरु बैध अबैध आवश्यक छानबिन पश्चात सञ्चालनमा आउने लम्सालले बताउनुभयो । धादिङमा २०७४ बाट स्थानीय तहको संरचना कार्यान्वयनमा आएपछि मापदण्डविपरीत अवैध उत्खनन् बढेको थियो ।