गंगाजमुनामा अपाङ्गता भएका व्यक्तिलाई बाख्रापालन तालिम,२४ जनालाई बाख्रा वितरण

धादिङ,०१ फागुन ।
धादिङको गंगाजमुना गाउँपालिकामा अपाङ्गता भएका व्यक्तिहरुको लागि बाख्रापालन तालिम सञ्चालन गरिएको छ ।

धादिङ नेत्रहिन संघको आयोजना तथा गंगाजमुना गाउँपालिकाको आर्थिक सहयोगमा समुदायमा आधारित पुनस्र्थापना (सिबिआर) कार्यक्रम अन्र्तगत अपाङगता भएका व्यक्तिहरुका लागि २ दिने बाख्रापालन तालिम सञ्चालन गरिएको हो ।

शनिबार र आईतबार भएको तालिममा गंगाजमुना गाउँपालिकाको ७ वडाका २४ जना अपाङ्गता भएका व्यक्तिहरुको सहभागिता रहेको थियो। अपाङ्गता भएका व्यक्तिको जीविकोपार्जनमा सहयोग पु¥याउने उद्धेश्यले तालिममा सहभागी २४ जनालाई १/१ वटा बाख्रा वितरण गरिएको गाउँपालिकाले जनाएको छ ।

तालिममा गाउँपालिकाका पशु सेवा शाखाका प्रमुख निरन्जना चौधरीले बाख्रा पालन, महत्व, बजार, रोग नियन्त्रण तथा प्रजनन् व्यवस्थापन, हेरचाह, खोर व्यवस्थापन लगायतका विषयहरु सहजिकरण गर्नुभएको थियो ।