मौरीपालन सम्बन्धी सीप विकास तालिम सञ्चालन गर्दै नेत्रावती डबजोङ

अडियोमा सुन्नुहोस

धादिङ,०२ फागुन ।
धादिङको नेत्रावती डबजोङ गाउँपालिका–३ गैरामा मौरीपालन सम्बन्धी सीप विकास तालिम सम्पन्न भएको छ । गाउँपालिको आयोजनामा माघ २५ गतेदेखि सुरु भएको पहिलो चरणको ७ दिने तालिम आज सम्पन्न भएको हो।

तालिमको आज गाउँपालिकाका अध्यक्ष मेघनाथ रिजालले समापन गर्नुभएको हो । मौरी बाजेको नामले परिचित नुवाकोट सामरीका ध्रुवप्रसाद सापकोटाले सहजिकरण गर्नुभएको तालिममा मौरीपालन परिचय, मौरीका जात, प्रविधि, परम्परागत घार र आधुनिक घारमा फरक तथा प्रयोगका फाइदा बेफाइदा, मौरीपालन गर्दा ध्यान दिनुपर्ने कुराहरु, मह उत्पादन तथा बजारीकरण, नेत्रावती डबजोङको हावापानी अनुसार मौरी कसरी पाल्ने लगायतका विषयमा प्रशिक्षण दिनुभएको थियो। तालिममा १७ जनाको सहभागिता रहेको थियो ।

यसैगरी सोही स्थानमा आजदेखी दोस्रो चरणको तालिम सुरु भएको छ । तालिममा वडा नं ३ का २० जनाको सहभागिता रहेको गाउँपालिकाले जनाएको छ ।