हल गोरु पाल्ने किसानलाई १० हजार

हलगोरु पाल्ने किसानलाई प्रोत्साहन स्वरुप १० हजार रुपैयाँ अनुदान दिने भएको छ।लमजुङको सदरमुकाम समेत रहेको बेसीशहर नगरपालिकाले कृषि उत्पादनमा आत्मनिर्भर बनाउने उद्धेश्यले किसानलाई अनुदान दिने कार्यक्रम ल्याएको नगरपालिकाले जनाएको छ ।

अगामी आर्थिक बर्ष २०८०/०८१ बाट नगरपालिकाभित्र रहेका हल गोरु पाल्ने किसानको तथ्याङ्क सङ्कलन गर्ने र प्रोत्साहन भक्त वितरण गर्ने नगरपालिका प्रमुख गमानसिंह अर्यालले बताउनु भयो ।

गाँउका खेतबारी विभिन्न अन्नबालीले हराबरा बनाउनका लागि नगरपालिकाले गोरु पाल्ने कृषकलाई भत्तको व्यवस्था गरेको नगरपालिकाले जनाएको छ ।