वातावरण मैत्री नबनाए यूनाइटेड सिमेन्ट उद्योग बन्द गर्नु : राजेन्द्र पाण्डे

जुगेडी: प्रतिनिधि सभा सदस्य एवं बागमती प्रदेशका पूर्व मुख्यमन्त्री राजेन्द्र प्रसाद पाण्डेले यूनाइटेड सिमेन्ट उद्योग वातावरण मैत्री नबनाए बन्द हुने बताउनुभएको छ।

शुक्रबार धुनीवेसी नगरपालिका वडा नं. ९ जुगेडी स्थित यूनाइटेड सिमेन्ट उद्योग प्रभाविहरुको समूह जुगेडी खाद्य अधिकार प्रभावित समूह र फियान नेपालले आयोजना गरेको कार्यक्रमलाई सम्बोधन गर्दै पाण्डेले वातावरण मैत्री नबनाए उद्योग बन्द हुने बताउनुभएको हो ।

मानव वस्ती र तरकारी पकेट क्षेत्रमा सिमेन्ट उद्योग खोल्न विषयमा आफुलाई कुनै जानकारी नभएको जिकिर गदै पाण्डेले पहिला जुगेडीका राईहरु बिकेर उद्योगलाई जग्गा दिएको आरोप लगाउनुभयो।

‘जनप्रतिनिधि विहिन अवस्थामा एक जना सचिवले गाँउ विकास समिति सञ्चालन गरेको मौका छोपेर यूनाइटेड सिमेन्ट उद्योग खोलिएको छ,देशमा उद्योग कलकारखाना खोल्नु पर्छ तर कु उद्योग कस्तो ठाँउमा खोल्ने जानी बुझी खोल्नु पर्छ । मानव बस्ती र उत्पादनशिल क्षेत्रमा जहाँ गयो परिवारको जीविको र्पाजनको आधार कृषि गर्ने क्षेत्रमा उद्योग खोल्नु गलत हो’,उहाँले भन्नुभयो ।

उद्योगले दुई विकल्प मध्ये पहिलो विकल्प पछिल्ला प्रविधिको प्रयोग गरेर वातावरण मैत्री बनाउने वा अर्को विकल्प उद्योग बन्द गर्ने हो,पाण्डेले भन्नुभयो ।

‘जुगेडी खाद्य अधिकार प्रभावित समूहको संयोजक रमा राईक सहितको टोलिले मलाई काठमाडौंमा गएर १० बदे माग राखे । त्यही भएर म आज उद्योग क्षेत्रमा नै आएको हो । तपाईहरु एक पछि अर्को विक्न थाल्नु भए त उद्योग यसैगरी चलिरहन्छ । अझ संगठित भएर अघि बढे उद्योग वातावरण मैत्री हुन्छ कि त बन्द हुन्छ । म यस विषयमा प्रधानमन्त्री तहमा वा उद्योग मन्त्री तहमा स्थानीय समूदाय र उद्योगका मालिक विकास दुगडलाई राखेर छलफल गराउछ’,पाण्डले भन्नुभयो।

नागरिकहरुको माग उद्योग वन्द गराउने खालको नभएकाले उद्योग मालिकले वेलैमा प्रविधिको प्रयोग गरेर वातावरण मैत्री उद्योग सञ्चालन गर्नु उत्तम हुने पाण्डेले थप्नुभयो ।

प्रदेश सभा सदस्य मधु कुमार श्रेष्ठले उद्योगले जुगेडीमा गर्नु पर्ने काम धेरै भएको तर केही काम गरेको नगरेको भन्दै वातावरण स्वच्छ राखेर स्थानीयलाई सहज बनाउन उद्योग चुकेको बताउनुभएको छ ।स्थानीयलाई असर नपर्ने गरी उद्योग सञ्चालन गर्न श्रेष्ठले सुझाउनुभयो।

उद्योगका प्रतिनिधि अशोक आर्चायले तपाईहरुले उठान गर्नु भएको कुरा व्यवस्थापन समक्ष राख्ने प्रतिवद्धता गर्नुभएको छ ।

यूनाइटेड सिमेन्ट उद्योगले जुगेडीका स्थानीय मात्र होइन आसपासमा समेत असर गरेकाले स्थानीयले उठाएका माग पुरा गराउन आफु प्रतिवद्ध रहेको यूवा नेता रमेश आर्चायले बताउनुभयो । सांसद पाण्डेले अगुवाई गर्ने र प्रदेश सांसद श्रेष्ठले साथ दिएमा एमालेले पूर्णरुपमा साथ दिने आर्चायले बताउनुभयो ।

समूदायले उठान गरेका राम्रा मागको पक्षमा एकिकृत समाजवादीको पूर्ण साथ सहयोग रहने नेता सिता ढुंगानाले बताउनुभयो ।वडा अध्यक्ष माधव प्रसाद सिलवालले उद्योगले सामाजिक उत्तरदायित्व सम्वन्धी काम खासै नगरेको बताउनुभयो ।

प्रभावितहरुको तर्फबाट बोल्दै मुकुन्द राईले स्थानीयलाई दवाव र प्रभावमा राखेर उद्योग सञ्चालन भएको बताउनुभएको छ । बाठाटाठालाई पैसामा किनेको छ। तर ती किनिएकाहरुलाई पनि असर गरेको छ । जो कृषि नै गरेर बाँच्नु पर्ने हो उनीहरु साह्रै मर्कामा रहेको बताउनुभयो ।

किसान हेमलाल श्रेष्ठले भन्नुभयो,‘एक लाख लगानी गरेर खेती गर्दा ७० हजार लिन सक्ने अवस्था छैन, विषाधी प्रयोग गर्दा मानव स्वास्थ्यमा असर गर्छ, नगर्दा वाली उत्पादन हुदैन।

हामीहरु कहाँ जाने के भन्ने कसलाई भन्ने अवस्थामा रहेका वेला फियान नेपालले खाद्य अधिकार र वातावरण अधिकारको वारेमा जानकारी गराएपछि हामीहरु अधिकारको लडाइमा संगठित भएको संयोजक रमा राईको भनाई छ ।