झार्लाङमा बचत तथा ऋण व्यवस्थापन तालिम शुरु

झार्लाङ । धादिङको खनियावास गाउँपालिका वडा नं २ झार्लाङमा बचत तथा ऋण व्यवस्थापन तालिम आईतवारबाट शुरु भएको छ ।

प्रयास नेपाल धादिङले आड्रा नेपालको साझेदारी तथा खनियावास गाउँपालिकाको समन्वयमा संचालनमा गरेको उत्थानशील जिविकोपार्जन तथा खाद्य सुरक्षा सुढृढिकरण परियोजना कार्यक्रम अन्तरगत गठित समुहका पदाधिकारीहरुको लागि २ दिने बचत तथा ऋण व्यवस्थापन तालिम संचालन गरिएको हो ।

तालिममा २६ जना सहभागी छन् ।

तालिममा समुहमा बचतको महत्त्व, बचत संकलन, आम्दानी र खर्च अभिलेख, ऋण लगानी, पासबुक, बचत तथा ऋण परिचालन सम्बन्धि निति, नियम, समुहका पदाधिकारीहरुको काम, कर्तव्य, अधिकार, घुम्ती कोष परिचालन र पूर्व सहकारी शिक्षा लगायतका बिषयमा सहजकर्ता सन्तोष सन्त्यालले सहजिकरण गर्नु भएको छ ।

कार्यक्रममा प्रयास नेपाल धादिङ र आड्रा नेपालको संस्थागत चिनारी र परियोजनाको लक्ष्य, उद्देश्य संचालन प्रक्रिया र मुख्य क्रियाकलापहरुको बारेमा प्रयास नेपाल धादिङका पशु स्वास्थ्य प्राविधिक रुपेश तामाङले जानकारी गराउनु भएको थियोे ।

कृषकको क्षमता विकास , जलवायु कृषक पाठशाला, प्राविधिक ज्ञान, सिप हस्तान्तरण गरी कृषि तथा पशुपालनमा उत्पादन र उत्पादकत्व बृद्धिमा टेवा पुर्याउने उद्देश्यले खनियावास गाउँपालिकामा उत्थानशील जिविकोपार्जन तथा खाद्य सुरक्षा सुढृढिकरण परियोजना संचालन गरिएको प्रयास नेपाल धादिङका कार्यकारी निर्देशक दामोदर अर्यालले बताउनुभयो ।

खनियावास गाउँपालिकामा परियोजना अन्तरगत ३२ वटा कृषक समुहहरु मार्फत कृषि तथा पशुपालन क्षेत्रमा कार्य गरिरहेको झार्लाङबाट प्रमोद तामाङले जानकारी दिनु भयो ।