मकाउ पठाइदिन्छु भन्दै ठगी गर्ने दुर्गाबहादुर पक्राउ

मकाउ पठाइदिन्छु भन्दै रकम ठगी गरेको आरोपमा गोरखाका एक जना पक्राउ गोरखाका एक जनापक्राउ पर्नेमा गोरखाको गण्डकी गाउँपालिका-८ स्थायी घर भई ललितपुरको गोदावरी-१४ बस्ने ५१ वर्षीय दुर्गाबहादुर रेग्मी रहेका छन्  ।

उनलाई काठमाडौं उपत्यका अपराध अनुसन्धान कार्यालयको विशेष टोलीले ठैबबाट पक्राउ गरेको  प्रहरीले जानकारी दिएको छ ।

पक्राउ परेका उनलाई थप अनुसन्धान तथा कारबाहीको लागि वैदेशिक रोजगार विभाग ताहाचल पठाइएको प्रहरीले जनाएको छ ।

उनले पीडितलाई जित बहादुर थामा मगरलाई वैदेशिक रोजगारीको लागि मकाउ पठाइदिन्छु भन्दै ६ लाख ६० हजार  रकम लिई सम्पर्कविहीन भएको प्रहरीको भनाई छ ।