नागढुङ्गाबाट लागुऔषध खैरो हेरोइनसहित दुईजना पक्राउ

अडियोमा सुन्नुहोस

काठमाडौं । चन्द्रागिरी नगरपालिका–२ नागढुङ्गाबाट ७६ ग्राम लागूऔषध खैरो हेरोइन सहित दुईजना पक्राउ परेका छन् ।

पक्राउ पर्नेहरूमा नुवाकोट तादी गाउँपालिका–६ घर भएका २९ वर्षीय आदम तामाङ र उनकै भान्जा नाता पर्ने सोही ठाउँ बस्ने २२ वर्षीय दिल बहादुर तामाङ रहेका छन् ।

सोमबार दिउँसो प्रहरी प्रभाग नागढुङ्गा र लागूऔषध नियन्त्रण ब्यूरो शाखा कार्यालय नागढुङ्गाबाट खटिएको संयुक्त टोलीले धादिङबाट काठमाडौंतर्फ आउँदै गरेको ग.१ ख ६९०२ नम्बरको माईक्रोबसलाई जाँच गर्ने क्रममा माईक्रोमा सवार उनीहरूलाई उक्त पदार्थसहित पक्राउ गरेको हो।

यस सम्बन्धमा प्रहरीले आवश्यक अनुसन्धान गरिरहेको छ ।