देशभरका अधिकांश स्थानीय तहका वेबसाइट साइबर आक्रमणकारीको निसानामा

काठमाडौं। देशभरका अधिकांश स्थानीय तहका वेबसाइटमा समस्या आएको छ ।

स्थानीय तहका वेबसाइट साइबर आक्रमणकारीको निसानामा परेको संघीय मामिला तथा सामान्य प्रशासन मन्त्रालयका प्रवक्ता कालीप्रसाद पराजुलीले जानकारी दिनुभयो ।

पालिकाको वेबसाइट डाउन हुँदा स्थानीय तहहरूले प्रकाशित गर्ने सूचना, जानकारीसहित विभिन्न प्रशासनिक र सामाजिक सुरक्षाको सेवाहरूमा समेत असर परेको छ ।

सुरूमा बाँसगढी नगरपालिकाको वेबसाइटमा ह्याकरले कब्जा जमाएको र त्यसपछि बिस्तारै देशैभरका नगरपालिकाका वेबसाइटमा समस्या आएको पराजुलीले बताउनुभयो।

प्रवक्ता पराजुलीका अनुसार स्थानीय तहको वेबसाइट दुई दिनदेखि नै समस्याग्रस्त भए पनि जानकारी ढिलो आएकाले रिकभर गर्न समय लागेको बताउनुभएको छ।