कुखुराको मासुको मूल्य घट्यो,कतिमा हुँदै छ कारोबार ?

देशैभर कुखुराको मासुको मूल्य घटेको छ ।

मासुको मूल्यमा प्रतिकिलो ८० रुपैयाँले कमी आएको छ।असारमा ४२० रुपैयाँ प्रतिकिलोमा बिक्री भएको मासुको खुद्रा मूल्य अहिले ३४० रुपैयाँ कायम भएको राष्ट्रिय कुखुरा बिक्री व्यवसायी संघका अध्यक्ष जंग बहादुर बेलबासेले जानकारी दिनुभयो।

साउन लागेसँगै मासु खपत घटेकाले मूल्यमा पनि कमी आएको हो । खपतमा कमी आएसँगै ज्युँदो कुखुराको मूल्य पनि प्रतिकिलो १० रुपैयाँले घटेर २५० रुपैयाँ कायम भएको बताउनुभयो।