सल्यानटार महोत्सवको नवौँ दिन आज यी कलाकारको प्रस्तुती रहने

अडियोमा सुन्नुहोस

धादिङ। त्रिपुरासुन्दरी गाउँपालिका–२ सल्यानटारमा दोस्रो सल्यानटार कृषि प्रदर्शनी तथा व्यापार मेला जारी रहेको छ।

मेलाको आज नवौँ दिन बिहिबार विभिन्न कलाकारहरुको प्रस्तुति रहने आयोजकले जनाएको छ।

आज युवाहरुमाझ लोकप्रिय गायक तथा मोडल दुर्गेश थापा, गायिका रुपा घर्ति मगर, गायक सागर बिसी, दिलास डान्स ग्रुपका कलाकारहरुसँगै स्थानीय कलाकारहरुको बिशेष प्रस्तुति रहने हामी सबैको कृषि तथा बहुउद्देश्यीय सहकारी संस्था लिमिटेडका सुरेन्द्र श्रेष्ठले जानकारी दिनुभयो ।

उहाँका अनुसार भोलि १४ गते बिहिबार गायिका ज्योति मगर, गायक सुरेश बाँनिया, गायक रवि रिमाल, गायक सुरेश बिसी अन्जान, उद्घोषक अर्जुन कँडेल, दिलास डान्स ग्रुपका कलाकारहरुसँगै स्थानीय कलाकारहरुको बिशेष प्रस्तुति रहने छ।

हामी सबैको कृषि तथा बहुउद्देश्यीय सहकारी संस्था लिमिटेडको आयोजनामा स्थानिय श्रोतको प्रर्वद्धन गरौं, देश विकासमा टेवा पुु¥याऔंं भन्ने मूल मर्मका साथ ५ गते बुधबारदेखी कृषि प्रदर्शनी तथा व्यापार मेला सुरु भएको हो।

स्थानिय कृषि उपजहरुलाई प्रर्वद्धन तथा बजारीकरणमा टेवा पु¥याउन र मनोरञ्जन र स्थानीय कला संस्कृतिको जगेर्ना गर्ने उद्देश्यले मेला आयोजना गरिएको सहकारीका अध्यक्ष सुरेश श्रेष्ठले बताउनुभयो।

मंसिर १५ गतेसम्म सञ्चालन हुने महोत्सवमा करिव एक लाख जनाले अवलोकन गर्ने अनुमान गरिएको अध्यक्ष श्रेष्ठले बताउनुभयो।

भिडियो…..