सल्यानटार महोत्सवको आज अन्तिम दिन : गायक रमेश राज भट्टराईको प्रस्तुती रहने

अडियोमा सुन्नुहोस

धादिङ। त्रिपुरासुन्दरी गाउँपालिका–२ सल्यानटारमा जारी दोस्रो सल्यानटार कृषि प्रदर्शनी तथा व्यापार मेला आज समापन हुँदै छ।

समापनको दिन आज चर्चित गायक रमेश राज भट्टराई लगाएतका कलाकारको प्रस्तुती हुने आयोजकले जनाएको छ।

आज गायक रमेश राज भट्राई, गायिका संगम लामिछाने, शोभा श्रेष्ठ, गायक सुरेश बिसी अन्जान, मोडल आरती आले मगर उद्घोषक अर्जुन कँडेल, दिलास डान्स ग्रुपका कलाकारहरुसँगै स्थानीय कलाकारहरुको विशेष प्रस्तुति रहनेआयोजक हामी सबैको कृषि तथा बहुउद्देश्यीय सहकारी संस्था लिमिटेडका सुरेन्द्र श्रेष्ठले जानकारी दिनुभयो।

हामी सबैको कृषि तथा बहुउद्देश्यीय सहकारी संस्था लिमिटेडको आयोजनामा स्थानिय श्रोतको प्रर्वद्धन गरौं, देश विकासमा टेवा पुु¥याऔंं भन्ने मूल मर्मका साथ ५ गते बुधबारदेखी कृषि प्रदर्शनी तथा व्यापार मेला सुरु भएको थियो।

स्थानिय कृषि उपजहरुलाई प्रर्वद्धन तथा बजारीकरणमा टेवा पु¥याउन र मनोरञ्जन र स्थानीय कला संस्कृतिको जगेर्ना गर्ने उद्देश्यले मेला आयोजना गरिएको सहकारीका अध्यक्ष सुरेश श्रेष्ठले बताउनुभयो।

मेलाको गत बुधबार बागमती प्रदेश सरकारका वन तथा वातावरण मन्त्री कृष्ण प्रसाद सिलवालले उद्घाटन गर्नुभएको थियो।