धादिङ लोक सास्कृतिक महोत्सवमा आज चौहानसँगै यी कलाकार आउने

अडियोमा सुन्नुहोस

धादिङ । सदरमुकाम धादिङबेशीमा लोक सास्कृतिक महोत्सव जारी रहेको छ।मेलाको आज दशौँ दिन शनिबार विभिन्न कलाकारहरुको प्रस्तुति रहने आयोजकले जनाएको छ।

आज चर्चित गायिका यलिना चौहान, गायक कुसल बेलबासे, धादिङकी गायिका अस्मिता डल्लाकोटीसँगै कमला थापा, सरु थापा, प्रकाश बिनायक, अमृत गजमेरको प्रस्तुति हेर्न र सुन्न पाइने मेला आयोजक मुल समितिका संयोजक दीपक कोइरालाले जानकारी दिनुभयो।

महोत्सवमा धादिङ जिल्ला अन्तरपालिका लोक दोहोरी प्रतियोगिता पनि जारी रहेको छ ।आज सेमिफाईनलका २ खेल हुने मुल आयोजक समितिका साँस्कृतिक संयोजक भरत बराकोटीले जानकारी दिनुभयो ।

राष्ट्रिय लोक तथा दोहोरी गीत प्रतिष्ठान धादिङ र सामुदायिक संचार तथा विकास केन्द्र धादिङको संयुक्त आयोजनामा सदरमुकाम धादिङबेशी स्थित खुल्लामञ्चमा जिल्लामै पहिलो पटक माघ १० गतेदेखी लोक सांस्कृतिक महोत्सव जारी छ।

महोत्सवबाट जुट्ने आर्थिक श्रोतबाट जिल्लाका सम्पूर्ण कलाकारहरुलाई अप्ठेरो परेको बेला आवश्यक सहयोग गर्न राष्ट्रिय लोक तथा दोहोरी गित प्रतिष्ठान धादिङ मार्फत परिचालन हुने गरि कलाकार कल्याणकारी कोष स्थापना गर्ने लक्ष्य राखिएको आयोजकले जनाएको छ।

महोत्सव माघ २१ गतेसम्म संचालन हुनेछ।