जब हुन्छ देशको मूल नीति भ्रष्ट(कविता)

अडियोमा सुन्नुहोस

धादिङ,२१ श्रावण।
बद्रीनाथ गैह्रे

जब हुन्छ देशको मूल नीति भ्रष्ट
देखिन्छ राजनीतिको नियत प्रष्ट ।

बाहिर एक भित्र अर्कै भएपछि
कुनै दिन भइहाल्छ नि छरपस्ट ।

जब बिचौलियाले चलाउँछ सबै
वैध प्रणाली हुने नै भयो ध्वस्त ।

त्यहि विकृतिलाई साथ दिदै गर्दा
कर्मचारीका मूल्य हुन पुगे नष्ट ।

नेतृत्वले नै सहि गन्तव्य नदिदाँ
अनुयायी हुने नै भए अस्तव्यस्त ।

जब हुन्छ देशको मूल नीति भ्रष्ट
देखिन्छ राजनीतिको नियत प्रष्ट ।

(नेपाल सरकारका सहसचिव बद्रीनाथ गैह्रे अहिले धादिङका प्रमुख जिल्ला अधिकारी हुनुहुन्छ, निजामती सेवाका अब्बल र काविल प्रशासक गैह्रे सिद्धहस्त साहित्यकार पनि हुनुहुन्छ।)