तीज गीत ‘रन्काईदेउ मादलु रिनिनी’ दर्शकमाझ (भिडियो)

काठमाडौं । तीज पर्वलाई लक्षित गर्दै गायक तथा सर्जक प्रदीप बराइलीको युट्युब च्यानलमार्फत नयाँ तीज गीत ‘रन्काईदेउ मादलु रिनिनी’ सार्वजनिक गरिएको छ।

गीतमा प्रदीप बराइलीसँगै सागर बीसी, सुरेश सुन्दास (एसके), इन्द्र केसी, रामु बीसी, कविता परियार, बसन्ती मगर, करिश्मा बीसी र दिलु बीसीको संयुक्त स्वर रहेको छ।

नेपाली लोकसंगीत क्षेत्रमा लामो समयदेखि सक्रिय प्रदीप बराइलीले यसअघि पनि विभिन्न लोकदोहोरी तथा तीज गीत सार्वजनिक गरिसकेका छन्। नयाँ प्रतिभालाई प्रोत्साहन र अग्रज कलाकारलाई सम्मान गर्दै सांगीतिक यात्रा अघि बढाउने आफ्नो उद्देश्य रहेको उनले बताएका छन्।

गीतको लय प्रदीप बराइली स्वयंले तयार गरेका हुन् भने शब्द अमरदीप बीसीको रहेको छ। गीतको म्युजिक भिडियो शारदा रोकाया र अमित लोप्चनको कोरियोग्राफी तथा सुबाश नेपालीको निर्देशनमा निर्माण गरिएको हो।

भिडियोमा संजय खड्का, डिम्पल, प्रवेश श्रेष्ठ, पुनम दुरा र कुसुम तामाङको अभिनय रहेको छ।

भिडियोको छायांकन सन्देश गदालले गरेका हुन् भने सम्पादन सुबाश गदालले गरेका छन्। उक्त म्युजिक भिडियो प्रदीप बराइलीको आधिकारिक युट्युब च्यानलमार्फत सार्वजनिक गरिएको हो।

भिडियो हेर्न तल क्लिक गर्नुहोस्।