राष्ट्रिय मिडिया सम्मेलन आजदेखी

नेपाल पत्रकार महासंघको आयोजनामा आजदेखी लुम्बिनीमा दुई दिने राष्ट्रिय मिडिया सम्मेलन हुदैँछ । महासंघले आफनो ६८औं स्थापना दिवसको अवसर पारेर लुम्बिनीमा चैत १६ र १७ गते २ दिने मिडिया सम्मेलन गर्न लागेको हो ।

सम्मेलनमा सदस्यता शुद्धीकरण, आर्थिक संकटले मिडियामा निम्ताएको असर र स्थानीय तहले बनाएका कानुनलगायत अन्य बिषयमा छलफल हुने महासंघका अध्यक्ष विपुल पोखरेलले बताउनुभयो ।

सो सम्मेलनमा सम्मेलनमा मिडियाका लगानीकर्ता, सरकारी प्रतिनिधि र अनुसन्धाताको समेत सहभागी रहनेछ भने  सम्मेलनमा देशभरबाट २५० जना सहभागी हुनेछन् ।

चैत १६ गते महासंघले स्थापना दिवसको अवसमार पश्चिम नवलपरासीमा प्रभातफेरि गर्नेछ भने परासीमै महासंघको ८औं बैठक र साँझ लुम्बिनीमा दीप प्रज्वलन गर्ने कार्यक्रम तय गरेको छ ।