फिस्लिङ दुर्घटना: कार चालकको उपचारको क्रममा मृत्यु

चितवनको इच्छाकामना–३ फिस्लिङ बजार नजिकै भएको सवारी दुर्घटनामा परी घाइते भएका कार चालकको मृत्यु भएको छ।

कार चालक कास्कीको पोखरा महानगरपालिका–५ का ३५ वर्षीय समीर ओझाको उपचारका क्रममा पुरानो मेडिकल कलेज भरतपुरमा मृत्यु भएको प्रहरीले जानकारी दिएको छ।

शुक्रबार बिहान बाँकेको नेपालगञ्जबाट काठमाडौँतर्फ गइरहेको भे १ ख ४०६० नम्बरको यात्रुबाहक बस र काठमाडौँबाट मुग्लिनतर्फ आइरहेको बागमती प्रदेश ०२–०२९च ३७२० नम्बरको कार पृथ्वी राजमार्गअन्तर्गत फिस्लिङ बजार नजिकै ठोक्किएर उक्त दुर्घटना भएको हो । दुर्घटना परी १३ जना घाइते भएका छन् ।

तीन जनाको अवस्था गम्भीर रहेको प्रहरीले जनाएको छ ।कारसँग ठोक्किएपछि बस त्रिशूली नदी किनारमा खसेको थियो ।