हैजा संक्रमितको संख्या बढ्दै,सर्तकता अपनाउन सुझाव

पछिल्लो समय नेपालमा हैजा संक्रमितको संख्या बृद्धि हुंदै गएको छ ।

देशभर सङ्क्रमित हुनेको सङ्ख्या २५ पुगेको इपिडिमियोलोजी तथा रोग नियन्त्रण महाशाखाले जनाएको छ ।

पछिल्लो २४ घण्टामा दुई जनामा सङ्क्रमण पुष्टि भएको छ ।

अहिलेसम्म ललितपुरको गोदावरी नगरपालिकामा १६, काठमाण्डौको टोखा नगरपालिकामा आठ र कैलालीको धनगढी उपमहानगरपालिकामा एक जनामा हैजा सङ्क्रमण देखिएको जनाएको छ ।

हैजा भिब्रियो कोलेरीु प्रजातिको जीवाणुबाट मानिसमा लाग्ने अति सङ्क्रामक झाडापखालासम्बन्धी रोग हो ।

हैजालगायत पानीजन्य रोगबाट बच्न सरसफाइमा ध्यान दिन र पानी उमालेर मात्र पिउन स्वास्थ्य क्षेत्रका विज्ञले सुझाव दिएका छन् । खानेकुरा खाँदा राम्रोसँग पखालेर मात्र खान बिज्ञहरुले आग्रह गरेका छन् ।