वैशाख यता विपद्मा परी २५० जनाको मृत्यु,देशभर पाँच हजार १४ विपद्का घटना

काठमाण्डौ । गएको वैशाख १ यता हिजो ५ गतेसम्म देशभर पाँच हजार १४ विपद्का घटना भएका छन् । ती घटनामा २५० जनाको ज्यान गएको छ ।

राष्ट्रिय विपद् जोखिम न्यूनीकरण तथा व्यवस्थापन प्राधिकरणको तथ्याङ्क अनुसार यी घटनामा अहिलेसम्म आठ जना बेपत्ता र एक हजार ६०७ जना घाइते भएका छन् ।

प्राधिकरणका अनुसार विपद्बाट यो अवधिमा ६ हजार २७२ परिवार प्रभावित भएका छन् । सबैभन्दा धेरै आगलागीका १ हजार १३६ घटना भएका छन् ।

त्यसैगरी, पहिरोका एक हजार ११, सर्पदंशका एक हजार १०, हावाहुरीका ४८०, चट्याङका २४५ र अन्य बाढीरहिमपहिरो, जनावरको आक्रमणलगायत रहेका छन् । filephoto