रसुवा बाढीका कारण धादिङका १०५ जना सम्पर्कविहीन, कुन पालिकाका कति?

धादिङ- रसुवा बाढीका कारण धादिङका १०५ जना सम्पर्कविहीन भएका छन्।

धादिङका विभिन्न पालिकाका १०५ जना सम्पर्कविहीन भएको पछिल्लो विवरण प्राप्त भएको छ।

धादिङबेँसीबाट गोसाइँकुण्डतर्फ हिँडेका २६ जनासहित सम्पर्कविहीन हुनेको संख्या १०५ पुगेको हो।

सबैभन्दा धेरै नीलकण्ठ नगरपालिकाका २५ जना सम्पर्कविहीन छन्।

त्यस्तै, गङ्गाजमुना गाउँपालिकाका १५, रूबीभ्यालीका १३, धुनिबेसीका १० र खनियाबासका ९ जना सम्पर्कविहीन छन्।

गल्छी, बेनीघाट रोराङ र सिद्धलेकका ७–७ जना, थाक्रेका ६ जना, गजुरी र नेत्रावती डब्जोङका २–२ जना तथा ज्वालामुखी गाउँपालिकाका १ जना सम्पर्कविहीन भएको विवरण छ।

त्यस्तै, पालिका नखुलेका १ जना पनि सम्पर्कविहीनको सूचीमा छन्।

सम्पर्कविहीनहरुको अवस्था अझै अज्ञात रहेकाले खोजी तथा उद्धारको काम भइरहेको छ।