महादेववेशीमा एक सय जनाले गरे रक्तदान

धादिङ । थाक्रे गाउँपालिका–६ महादेववेशीमा भएको रक्तदानमा १ सय जनाले रक्तदान गरेका छन् ।

एकिकृत सामुदायिक विकास अभियान आईसिडिसि नेपालको २९औं वार्षिक उत्सवको अवसरमा भोटेकोसी बाढी प्रभावित सहयोगार्थ रक्तदान कार्यक्रमको आयोजना गरेको आईसिडिसि नेपालका प्रविण घिमिरेले जानकारी दिनुभयो ।

जनजागृती माध्यमिक विद्यालय थांक्रे ६ महादेववेशीको व्यवस्थापनमा सम्पन्न रक्तदानमा ८३ जना पुरुष र १७ जना महिला गरि १ सय जनाले रक्तदान गरेको घिमिरेले बताउनुभयो ।