फुर्केखोला र मलेखुबीचमा पर्ने परेवाभिर सडक खण्डमा मर्मत कार्य चल्दै,आज पनि सवारी आवागमन बन्द

धादिङ। पृथ्वी राजमार्गअन्तर्गत धादिङको फुर्केखोला र मलेखु बजारकोबीचमा पर्ने परेवाभिर सडक खण्डमा आज पनि मर्मत कार्य भैरहेको छ ।

मर्मतको काम भैरहेको हुँदा आज पनि यो खण्डमा बेलुका ६ बजेसम्म गाडीको आवागमन पूर्ण रूपमा बन्द गरिएको जिल्ला प्रहरी कार्यालय धादिङले जनाएको छ ।

यसअघि हिजो बिहान ६ बजेदेखि बेलुकी ६ बजेसम्म एम्बुलेन्स र शववाहनबाहेक अरु सबै गाडी सञ्चालनमा रोक लगाएर मर्मतको काम गरिएको थियो । काम पूर्ण रुपमा नसकिएको हुँदा आज पनि भैरहेको हो ।

त्रिशूली नदीमा आएको बाढीका कारण गजुरी गाउँपालिका–२ परेवाभिरको सडकमा क्षति पुगेपछि यो सडकखण्डबाट एकतर्फी रूपमा गाडी चल्दै आएका थिए ।