टर्कीमा भूकम्प प्रभावित क्षेत्रबाट २० जना नेपाली सम्पर्कमा

अडियोमा सुन्नुहोस

टर्कीको भूकम्प प्रभावित क्षेत्रमा रहेका २० जना नेपाली सम्पर्कमा आएका छन् ।

उनीहरूमध्ये १४ जना विद्यार्थी र बाँकी ६ जना त्यहाँ कार्यरत श्रमिक रहेका छन् । सम्पर्कमा आएका २० जना सेल्टर हाउस र होटलमा रहेका गैरआवासीय नेपाली संघ (एनआरएनए) टर्कीका महासचिव विनोद पौडेलले जानकारी दिनुभयो ।

सम्पर्कमा आएकाहरू सबैजना सुरक्षित स्थानमा रहेको र उनीहरुलाई खानाको व्यवस्था पनि त्यहींको नगरपालिका र रेडक्रस लगायतका संघसंस्थाहरुले गरिरहेका उहाँले बताउनुभयो ।

उहाँका अनुसार अहिलेसम्म भूकम्पमा कोही पनि नेपाली परकोबारेमा औपचारिक जानकारी आएको छैन । भूकम्पमा परी ज्यान गुमाएका र घाइते भएकाहरु कुन देशका नागरिक हुन् भनेर अहिलेसम्म टर्की सरकारले भनेको छैन।