राप्रपाको देशभर उम्मेदवारी : धादिङ प्रतिनिधिसभा १ मा रिमाल र २ मा तामाङ

अडियोमा सुन्नुहोस

धादिङ,२५ असोज।
आसन्न प्रतिनिधिसभा र प्रदेशसभा सदस्य निर्वाचनका लागि राष्ट्रिय प्रजातन्त्र पार्टी(राप्रपा)ले देशभर नै उम्मेदवारी दर्ता गरेको छ । देशभरका सबै निर्वाचन क्षेत्रमा राप्रपाले उम्मेदवारी दिएको सो पार्टीका प्रवक्ता तथा प्रचार विभाग प्रमुख मोहन श्रेष्ठले जानकारी दिए ।

उनका अनुसार सबैभन्दा बढी उम्मेदवार नै राप्रपाको रहेको छ । आगामी ४ मंसिरमा हुने प्रतिनिधिसभा र प्रदेशसभा सदस्य निर्वाचनको आइतबार मनोनयन दर्ता थियो ।

जसअन्तर्गत राप्रपाले प्रतिनिधिसभा र प्रदेशसभा गरेर देशभर उम्मेदवार उठाएको उनले बताए । जसमा धादिङको प्रतिनिधिसभा १ मा अजय रिमाल, प्रदेशसभा क माबासु आचार्य, प्रदेशसभा ख मा जीत बहादुर भण्डारी रहेका छन् । त्यसैगरी प्रतिनिधिसभा २ मा परशुराम तामाङ,प्रदेशसभा क मा नारायण पोखरेल र प्रदेशसभा ख मा डम्बर तामाङ रहेका छन् ।