शिक्षकलाई राजनीतिक कार्यक्रममा सहभागी नहुन निर्देशन

गोरखाको गण्डकी गाउँपालिकाले शिक्षकलाई राजनीतिक कार्यक्रममा सहभागी नहुन निर्देशन दिएको छ ।

गाउँपालिकाले एक सूचना सार्वजनिक गर्दै पालिकाभित्र हुने गरेका राजनीतिक कार्यक्रममा शिक्षकहरुको सक्रिय सहभागिता रहेको फोटो तथा भिडियो सामाजिक सञ्जालबाट बाहिरिएपछि राजनीतिक कार्यक्रममा सहभागी नहुन निर्देशन दिएको हो ।

गाउँपालिकाका प्रमुख प्रशासकिय अधिकृत रिजेश उपरकोटीले शिक्षा नियमावली २०५९ तथा शिक्षक आचारसंहिताले शिक्षक तथा निजामती सेवा नियमावली २०५० ले निजामती कर्मचारी कुनै प्रकारको राजनीतिक गतिविधिमा संलग्न हुन नपाउने व्यवस्था गरेको बताउनुभयो।

उहाँले गाउँपालिकाको निर्देशन उल्लङ्घन गरी राजनीतिक कार्यक्रममा सहभागी भएको पाइएमा विभागीय सजाय हुने बताउनुभको छ ।साथै विद्यालयलाई राजनीतिक कार्यक्रमको आयोजनास्थल बनाइ राजनीतिक कार्यक्रम नगर्न÷नगराउन पनि गाउँपालिकाले भनेको प्रशासकिय अधिकृत उपरकोटीले बताउनभुयो।