नेपाललाई नामिबियाको प्रतिस्पर्धी लक्ष्य

अडियोमा सुन्नुहोस

आइसिसी विश्वकप लिग–२ त्रिकोणात्मक ओडिआई सिरिजअन्तर्गत पहिलो खेलमा शीर्षक्रमका ब्याटर माइकल भान लिंगेनको सानदार शतकमा नामिबियाले नेपाललाई प्रतिस्पर्धी लक्ष्य दिएको छ ।

टियु क्रिकेट मैदानमा टस हारेर पहिला ब्याटिङ थालेको नामिबियाले ५० ओभरमा ९ विकेट गुमाउँदै २८५ रन बनाएको छ ।

नामिबियाका लागि माइकलले सानदार शतक पारी खेले । उनले १३७ बलमा ९ चौका र ५ छक्काको मद्धतमा १३३ रन जोडे । कप्तान गेर्हार्ड इरास्मसले ५६ रन, ओपनरद्वय लो हान्ड्रे लरेन्सले ५ रन र कार्ल ब्रिकेस्टकले १३ रन जोडे । निकोल लोफ्टी-इटनले ८ रन, जन फ्राइलिङ्कले १३, जेन ग्रीनले ३४ रन, रुबेन ट्रम्पलम्यानले ११ रन र बर्नार्ड स्कोल्टजले रन बनाए ।

नेपालका लागि करण केसीले चार विकेट तथा सन्दीप लामिछानेले तीन विकेट सोमपाल कामी र कुशल मल्लले एक/एक विकेट लिए ।बलात्कार आरोप लागेको पाँच महिनापछि मैदान पूनरागमन गरेका सन्दीपले सानदार प्रर्दशन गरे ।