ओडीआईमा एक हजार रन पूरा गर्ने पहिलो नेपाली खेलाडी बने रोहित

अडियोमा सुन्नुहोस

नेपाली क्रिकेट टोलीका कप्तान रोहित पौडेल ओडिआई क्रिकेटमा एक हजार रन पूरा गर्ने पहिलो नेपाली खेलाडी बनेका छन् ।

आईसीसी क्रिकेट विश्वकप लिग टु अन्तर्गत कीर्तिपुरस्थित त्रिवि क्रिकेट मैदानमा जारी नामिबिया विरुद्धको खेलमा ५५ रन बनाएपछि रोहित ओडीआईमा एक हजार रन पूरा गर्ने पहिलो नेपाली ब्याटर बनेका हुन् ।

रोहितले ओडिआईमा ३३ खेलमा १ हजार रन पूरा गरेका हुन् । जसमा १ शतक र ६ अर्धशतक समावेश छ । ओडीआईमा रोहितको व्यक्तिगत उच्च स्कोर १२६ रन हो ।