यस्तो छ,दशौँ राष्ट्रिय खेलकुदको लोगो र मस्कट

काठमाण्डौ । दशौँ राष्ट्रिय खेलकुदको लोगो र मस्कट सार्वजनिक भएको छ।

२०८२ साल जेठ ३ देखि १० गतेसम्म हुने कर्णाली प्रदेशमा हुने दशौँ राष्ट्रिय खेलकुदको लोगो र मस्कट मंगलबार सार्वजनिक गरिएको हो।

ललितपुरको सातदोबाटोमा रहेको अन्तर्राष्ट्रिय खेलकुद परिसरमा आयोजित कार्यक्रममा राष्ट्रिय खेलकुद परिषद्का अध्यक्ष युवा तथा खेलकुद मन्त्री तेजुलाल चौधरीले लोगो तथा राखेपका उपाध्यक्ष ध्रुव आचार्यले मस्कट सार्वजनिक गर्नुभएको हो।

राष्ट्रिय खेलकुदको लोगोमा कर्णाली नदी, नेपालको झण्डा, सात प्रदेश र खेलाडी, हिमाल, पहाड र तराई तथा शान्तिको प्रतिक परेवा समेटिएको छ।

कर्णाली प्रदेशमा पाइने दुर्लभ जनवार हाबे्र रेड पाण्डालाई मस्कटका रुपमा प्रयोग गरिएको छ। लोगो र मस्कट विकास तमखुले तयार गर्नुभएको हो।