“मृत्युको आभास”

धादिङ,१३ श्रावण।
मंजिला पाण्डे
मृत्युु के हो ? तँपाइलाई थाहा छ ? कहिल्यै मृत्युको आभास गर्नु भएको छ ? एउटा सुनसान जङ्गल जहाँ एउटा सुन्दर बगैँचा थियो, त्यस बँगैचाको छेउमा एउटा सुन्दर युवती गहिरो सोचमा टोलाएर बसीरहेकी थिइन।

म पनि केही जडिबुटीको खोजीमा जङ्गलतिर लागेको थिए,अचानक मैले उनिलाई देखेँ। मैले उनिलाई धेरै टाढाबाट हेरिरहेको थिएँ। उनी गहिरो सोचमा डुबिरहेकी थिइन्, उनको नजिक गएर मैले उनिलाई सोधे,तिमी यहाँ एक्लै किन बसिरहेको ?

उनले मुस्कुराउँदै जवाफ दिइन,एक्लै जन्मिए, एक्लै हुर्किए र अब एक्लै मर्दै छु, म एकछिन सोचमा परे, के भन्दै छिन यिनी भनेर ! मैले उनको परिचय सोधि, उनले भनिन्; म प्रकृति हो र मलाई क्यान्सर छ अब म धेरै बाँचदिन त्यसैले म यहाँ सुन्दर प्रकृतिमा रमाउन आएकी हुँ।

मलाई जब मृत्युको आभास भयो,न दिन थियो न रात थियो,डुब्न लागेको घामको साक्षि सँगै मृत्युको आभास साथ थियो! म अचम्म पर्दै उनको कुराहरु सुनीरहेँ। उनले भनिन्, म त्यही व्यक्ति हो जुन दिनसम्म मलाई मृत्युको आभास थिएन त्यस दिनसम्म म यो देखावटी संसारमा एक्लै जीवन बनाउने दौडमा दौडिरहेको थिइ। म सँग घर, गाडी, जग्गा, जमिन र प्रशस्त पैसा छ।

यस स्थान सम्म आइपुग्न मैले धेरै मिहिनेत, संघर्ष र त्याग गरेकी छु, जब मृत्युको आभास भयो त्यो समयबाट लाग्न थाल्यो मैले जिवनमा सबैकुरा कमाए तर जीवन कमाउन सकिन! म निशब्द भई, उनको कुरा सुनेर; आज म सँग ठुला–ठुला बङ्गलाहरु छन् तर मलाई यही सुनसान जङ्गलको बँगैचामा नै आनन्द आईरहेको छ, म सँग प्रशस्तै सवारी साधनहरु छन् तर मलाई कतै जाने इच्छा छैन, म सँग प्रशस्तै गरगहनाहरु छन् तर छिमेकीलाई देखाउनका लागि लगाउने मेरो चाहना छैन, घरमा विभिन्न प्रकारका खानेकुरा पाक्छन् तर स्वास्थ्यका कारण मलाई खाने अनुमति छैन।

अहिले यस ठाउँमा बसेर सोच्दै छु कि आफ्नो स्वास्थको ख्याल नगरि दिनरात नभनि मैले के का लागि कमाएको रहेछु।

अब के वर्ष भरि समय दिएर कमाएको पैसाले मलाई जीवन दिन सक्छ ? के जीवन भन्दा ठुलो अरु केही हुन सक्छ ? उनले भनिन् ; मलाई कसैले आएर जीवन दिन्छु भन्यो भने म सँग भएका सम्पूर्ण धन–दौल्यत, यसो आराम दिन सक्छु! के कसैले मलाई जीवन दिन सक्छन् ? उनको त्यो कुरा सुनेर मेरो मनमा चिसो पस्यो।

मैले त कहिल्यै मृत्युको आभास गरेकी छैन! के सबैलाई यस्तै हुन्छ र ? यदि सबैलाई यस्तै हुन्छ भने; लोभ, रिस, घमण्ड र डाहा के का लागि? जिवनमा सबै कुरा हासिल गरौँला तर जिवनलाई कसरी हासिल गर्याैँ ? यहि कुराले मेरो मनमा डुबुल्की खेलीराख्यो।