पापाकी परी होइन बाबाकी मेहनती छोरी हुँ !

–मंजिला पाण्डे
आफ्नो काँधमा घण्टौसम्म राखेर ताते ताते गर्दै ठुलो बनाउने महान व्यक्तिलाई बुवा भनिन्छ।

जाडो, गर्मी, दिन, रात, धुँवा र धुलो केही नभनी आफ्नो घरपरिवारलाई सबैकुराले पूर्ण बनाउने मेरा बाबा कति महान हुनुहुन्छ। सानो छँदा मैले ममी सँग पैसा माग्दा ममीले भन्नी गर्नु हुन्थ्यो,“नानी मलाई पनि तेरो बाबाले नै पैसा दिने हो, छोराछोरीलाई दिनु है भनेर! म सँग माग्नुको सट्टा बाबासँग पैसा दिनु भनेर माग त ! तैले २० माग्दा बाबाले ४० दिनुहुन्छ भन्नुहुन्थ्यो।“

आमाले मात्र होइन बाबाले पनि एउटा रोटी माग्दा दुईवटा रोटी दिनु हुन्छ। बाबा घरको जग हुनुहन्छ र हामी सबै जगमा बनेका घर हौं।आजसम्म बाबासँग भनेका र मागेका कुराहरू पूरा नगरेको कुनै दिन छैन्।

बाबा हजुरको त्यो मेहनत, संघर्ष र त्यागले नै आज हामी यहाँसम्म आइपुगेका छौं। पृथ्वी गोलो हुन्छ, समय फेरि रहन्छ, बाबाकी छोरी त सँधै हुनेछु तर छोरीको बाबा हो भनेर ढिलोचाँडो अवश्य गर्भ महसुस गराउने छु।

तिमीले त बिर्सियौ होला बुवा तर मैले आजसम्म बिर्सिएको छैन, मेरा इच्छा पूरा गरिदिन खोज्दा तिमीले सहेका ती हरेक तिता बचन हरुलाई एकदिने अवश्य मिठा शब्दमा परिवर्तन गराउने छु। पापाकी परी होइन बाबाकी मेहनती छोरी हो, तिमीले गरेका ती सबै संघर्ष बुझेकी छु।

हजुरलाई गर्मी हुँदा म रुखको छाहारी र चिसो हुँदा ओढ्ने कम्बल सरह हुनेछु। म बाबा शब्दमा नै ठुलो अर्थ रहेको महसुस गर्छु। जसरी बाबा दुबै शब्द बराबर छन् त्यसरी नै आफ्ना सन्तानलाई बराबर माया र साथ दिने महान व्यक्ति नै बाबा हुन्।

सम्पुर्ण बाबालाई कुशे औँशीको बुबाको मुख हेर्ने दीनको धेरै धेरै शुभकामना व्यक्त गर्दछु।