नेपालमा डेंगु संक्रमित १६ हजार नाघे,१२को मृत्यु:धेरै संक्रमित भएको जिल्लामा धादिङ दोस्रो

धादिङ,०३ भदौ।नेपालमा हालसम्म ७५ जिल्लामा डेंगु संक्रमण फैलिएको छ।देशभर डेंगु संक्रमितको संख्या १६ हजार नाघेको इपीडीमीयोलोजी तथा रोग नियन्त्रण महाशाखा (ईडीसीडी) ले जनाएको छ।

शनिबारसम्मको तथ्यांक अनुसार गत १५ पुसदेखि हालसम्म १६ हजार २६७ जनालाई डेंगु संक्रमण पुष्टि भएको छ ।

यस अवधिमा संक्रमणबाट १२ जनाको ज्यान गएको छ। इडिसीडीको तथ्यांक अनुसारसबैभन्दा बढी संक्रमित सुनसरीमा ८ हजार ४५२, दोस्रोमा धादिङमा १ हजार ९३८, मोरङमा १ हजार ८७७ र झापामा ९२६ जनामा डेंगु संक्रमण भएको छ ।

महाशाखाका अनुसार कोशीमा १२ हजार २१, बागमतीमा २ हजार ६५१, गण्डकीमा ६१८ , सुदुरपश्चिम प्रदेशमा ४७९ जना संक्रमित भेटिएका छन् । त्यस्तै, लुम्बिनीमा ३१३, मधेशमा १४० र कणाली प्रदेशमा ३९ जनामा संक्रमण पुष्टि भएको छ ।