अन्तरप्रदेश चल्ने सार्वजनिक सवारीसाधनले संघबाटै अनुमति लिनुपर्ने

अन्तरप्रदेश चल्ने सार्वजनिक सवारीसाधनले संघबाटै अनुमति लिनुपर्ने भएको छ ।

सार्वजनिक सवारी अन्तर प्रदेश सञ्चालनका लागि आवश्यक अनुमति र परीक्षण सङ्घीय सरकारअन्तर्गतका विभागमा गर्नुपर्ने भएको हो ।

अन्तरप्रदेश सञ्चालन हुने सवारीसाधनमा बाटो इजाजतपत्र, स्तर कायम, जाँचपास, प्रदूषण परीक्षण गर्ने अधिकार सङ्घीय सरकारको भए पनि अहिलेसम्म प्रदेशले नै गर्दै आइरहेको र यात्रुवाहक तथा मालवाहक दुवै सवारीसाधनमा यो नियम लागू गराउन लागिएको विभागले जनाएको छ ।

विभागले अहिले यातायात व्यवसायीलगायत सबैलाई विभागमा बोलाएरै सङ्घीय कार्यालयबाट अनुमति लिन भनेको छ ।

अन्तरप्रदेश चल्ने सवारीसाधनमा एउटाले दिएको अनुमति अर्को प्रदेशले नमान्न सक्ने हुँदा र कानूनको पालना गर्नुपर्ने हुँदा अब सङ्घले नै गर्ने विभागको भनाइ छ ।