कार्यसम्पादनमा धादिङको १३ पालिकामध्ये बेनिघाट रोराङ गाउँपालिका पहिलो

धादिङ । पालिकाहरुको कार्यसम्पादनमा धादिङको १३ पालिकामध्ये बेनिघाट रोराङ गाउँपालिका पहिलो भएको छ ।

राष्ट्रिय प्राकृतिक स्रोत तथा वित्त आयोगले सार्वजनिक गरेको आर्थिक वर्ष २०८१/८२ को कार्यसम्पादन मूल्याङ्कनअनुसार बेनिघाट रोराङ गाउँपालिकाले ७३.२८ अङ्क प्राप्त गर्दै धादिङको १३ पालिकामध्ये पहिलो भएको हो ।

दोस्रो स्थानमा रहेको नीलकण्ठ नगरपालिकाले ७०.०० अङ्क प्राप्त गरेको छ । धुनिबेशी नगरपालिका ६१.९५ अङ्कसहित तेस्रो र ज्वालामुखी गाउँपालिका ५९.२८ अङ्कसहित चौथो भएको छ ।

कार्यसम्पादनमा धादिङको १३ पालिकामध्ये सबैभन्दा कमजोर खनियाबास गाउँपालिका परेको छ । खनियाबासले ३६.८० अङ्क मात्रै प्राप्त गरेको छ ।

पाँचौँमा नेत्रावती डवजोङ गाउँपालिका ५८.२८ अंक, छैठौमा थाक्रे गाउँपालिका ५५.०० अंक, सातौँमा सिद्धलेक गाउँपालिका ५१.९७ अंक, आठौँमा रुवी भ्याली गाउँपालिका ४९.६४ अंक, नवौँमा गंगाजमुना गाउँपालिका ४८.६२ अंक रहेको छ ।

त्यस्तै दशौँमा गजुरी गाउँपालिका ४८.३५ अंक, एघारौँमा गल्छी गाउँपालिका ४४.५२ अंक, बाहौँमा त्रिपुरासुन्दरी गाउँपालिका ४३.६९ अंक र तेहौँमा खनियाबास गाउँपालिका ३६.८० अंक रहेको छ ।

यसैगरी अर्घाखाँची जिल्लाकोको पाणिनि गाउँपालिका पहिलो भएको छ । पाणिनि गाउँपालिकाले ८३.८४ अङ्क प्राप्त गर्दै ७५३ पालिकामध्ये पहिलो भएको हो ।

दोस्रो स्थानमा रहेको रुकुम पश्चिमको चौरजहारी नगरपालिकाले ८२१५ अङ्क प्राप्त गरेको छ । गुल्मीको मालिका गाउँपालिका ८.९८ अङ्कसहित तेस्रो र गुल्मीकै धुर्कोट गाउँपालिका ८०.५२ अङ्कसहित चौथो भएको छ ।

यी ४ वटा पालिकाले मात्र ८० अङ्क पार गरेका हुन् ।

कार्यसम्पादनमा सबैभन्दा कमजोर रौतहटको देवाही गोनाही नगरपालिका परेको छ । देवाहीले ३०.९१ अङ्क मात्रै प्राप्त गरेको छ। प्रायः मधेशका पालिका कमजोर देखिएका छन् ।

आयोगले बजेट तर्जुमा र कार्यान्वयन, राजस्व परिचालन, लेखापरीक्षण, शिक्षा, स्वास्थ्य र सुशासनलगायतका १७ सूचकका आधारमा मूल्याङ्कन गरेको हो ।

हेर्नुहोस् धादिङको १३ पालिकाको विवरण

-बेनिघाट रोराङ गाउँपालिका ७३.२८
-नीलकण्ठ नगरपालिका ७०.००
-धुनिबेशी नगरपालिका ६१.९५
-ज्वालामुखी गाउँपालिका ५९.२८
-नेत्रावती डवजोङ गाउँपालिका ५८.२८
-थाक्रे गाउँपालिका ५५.००
-सिद्धलेक गाउँपालिका ५१.९७
-रुवी भ्याली गाउँपालिका ४९.६४
-गंगाजमुना गाउँपालिका ४८.६२
-गजुरी गाउँपालिका ४८.३५
-गल्छी गाउँपालिका ४४.५२
-त्रिपुरासुन्दरी गाउँपालिका ४३.६९
-खनियाबास गाउँपालिका ३६.८०

देशभरको ७५३ वटै पालिकाको विवरण हेर्नको लागि तलको लिंक क्लिक गर्नुहोस्

https://drive.google.com/file/d/1uwboEp-59xjsUxom81Nunz1wMMe9WqFZ/view?usp=sharing