नेपाल र यूएईबीचको खेल हेर्न नयाँ टिकट काट्न नपर्ने

एसीसी प्रिमियर कप अन्तर्गत भोली हुने नेपाल र यूएईबीचको खेल हेर्न दर्शकले नयाँ टिकट काट्न नपर्ने भएको छ ।

आज वर्षा बाधक बनेर रोकिएको खेल भोली मंगलबार हुने भएपछि नेपाल क्रिकेट संघ क्यानले भोलि हुने बाँकी खेल निशुल्क हेर्ने दिने क्यानका कार्यवाहक सचिव दुर्गाराज पाठकले जानकारी दिए ।

कीर्तिपुर मैदानमा टस जितेर नेपाल फिल्डिङमा उत्रिएको थियो । खेलमा नेपालले उत्कृष्ट बलिङ प्रर्दशन गरेको थियो । नेपालले हालसम्म यूएईको ९ विकेट लिएको छ । यूएईले २६.२ ओभरमा ८ विकेटको क्षतिमा १ सय ६ रन बनाएको छ ।

यस खेलको विजेता एसिया कपको १६ औँ संस्करणमा छनोट हुनेछ । एसिया कपको १६ औँ संस्करण सेप्टेम्बरमा पाकिस्तानमा आयोजना हुँदै छ । एसिया कपमा ६ वटा एसियाली राष्ट्रले सहभागिता जनाउनेछन् ।

एसिया कपमा खेल्ने ६ मध्ये अफगानिस्तान, बंगलादेश, भारत, पाकिस्तान र श्रीलंकाको टुंगो लागिसकेको छ भने नेपाल र यूएईमध्ये एउटा टिमको छनोट यो खेलबाट लाग्नेछ ।