धादिङका थप २० जना डेंगु संक्रमित

धादिङ,१८ मंसिर ।
धादिङका थप २० जनामा डेंगु संक्रमण पुष्टि भएको छ । पछिल्लो २४ घण्टामा नीलकण्ठ नगरपालिकाका १६ जना, सिद्धलेकका २ जना र ज्वालामुखीका २ गरी थप २० जनामा डेंगु संक्रमण पुष्टि भएको स्वास्थ्य कार्यालय धादिङको विवरणमा उल्लेख गरिएको छ।

यो सँगै जिल्लामा हालसम्म संक्रमित हुनेको संख्या १ हजार ३५६ जना पुरुष र १ हजार १७३ महिला गरी कुल २ हजार ५२९ पुगेको छ ।
विवरण अनुसार सबैभन्दा बढि संक्रमित नीलकण्ठ नगरपालिकामा १ हजार ५७७, बेनिघाट रोराङमा १३९, गल्छीमा १३२, गजुरीमा १२०, धुनिबेशीमा ९४,सिद्धलेकमा ८८ जनामा संक्रमण भएको छ।

यस्तै त्रिपुरासुन्दरीमा ८१ ,ज्वालामुखीमा ७९, गंगाजमुनामा ३४, थाक्रेमा १८,नेत्रावती डवजोङमा १५,रुवीभ्यालीमा १४ र खनियाबास गाउँपालिकामा ७ जनामा संक्रमण पुष्टि भएको छ ।