महालक्ष्मी विकास वैंककोे स्थापना दिवसमा धार्केमा ८९ जनाद्धारा रक्तदान

धादिङ,०७ ज्येष्ठ ।
महालक्ष्मी विकास वैंककोे २९औँ स्थापना दिवसको अवसरमा धार्केमा ८९ जनाले रक्तदान गरेका छन् ।

वैंककोे धादिङ शाखाको आयोजनामा धुनीबेशी नगरपालिका–६ धार्के बजारमा भएको रक्तदान कार्यक्रममा ७७ जना पुरुष र १२ जना महिला गरी ८९ जनाले रक्तदान गरेको धादिङ रेडक्रसका कोषाध्यक्ष नारायण कुमार श्रेष्ठले जानकारी दिनुभयो।

नेपाल रेडक्रस सोसाईटी धुनीबेशी उपशाखाको सहकार्य र जेसिआई धादिङ जेसिजको सहयोगमा भएको रक्तदान कार्यक्रममा नेपाल रेडक्रस सोसाईटी रक्त संचार सेवा केन्द्र धादिङको प्राविधिक सहयोग रहेको थियो ।