गजुरीका बिद्यालयमा शैक्षिक उपलब्धि बृद्धिमा सरोकारवालाहरुको भुमिका बिषयक कार्यशाला

गजुरी,१४ जेठ।
गजुरी गाउँपालिकाका २ वटा बिद्यालयमा शैक्षिक सरोकारवालाबिच कार्यशाला सम्पन्न भएको छ ।

शनिबार गजुरी ८ मा रहेको रिठाबोटे आधारभुत बिद्यालयले बिद्यालय विकासमा सरोकारवालाको भुमिका बिषयक २ दिने अन्तरक्रिया कार्यक्रम सञ्चालन गरेको हो ।

कार्यशालामा विद्यालय व्यवस्थापन समिति,शिक्षक अभिभावक संघ,प्रधानाध्यापक, शिक्षक र बालक्लब पदाधिकारीको काम, कर्तव्य र भुमिका र उत्तरदायित्व, कक्षा कोठामा बालमैत्री सामाग्री सहयोग र बालबालिकाहरुको शैक्षिक सवालहरु,आचार संहिता, बिद्यालय आर्थिक पारदर्शिता, बाल अधिकार, बालबालिका र अभिभावकहरु बिचको सम्बन्ध बिस्तार र समन्वय ,सहकार्यका तौर तरिका लगायतका बिषयबस्तुमा प्रयास नेपाल धादिङका नवराज लामिछानेले सहजिकरण गर्नु भएको थियो ।

कार्यक्रममा वडा नं ८ का वडाध्यक्ष अध्यक्ष देवराज ओझाले बालबालिकाहरुको सर्वाङ्गिण विकासको लागि गाउँपालिकाले जिम्मेवारीपुर्वक काम गरिरहेको बताउनुभयो । शैक्षिक उपलब्धीलाई ध्यानमा राखेर कक्षामा बालबालिकाहरुको सिकाई केन्द्रित बालमैत्री पुर्ण व्यवहार सहितको शिक्षण सहजिकरण गर्नुपर्ने बताउनुभयो ।

बालबालिकाहरुको सिकाई प्रभावकारी बनाउन बिद्यालय प्रशासन ,शिक्षक र अभिभावक बिचमा सुमधुर सम्बन्ध तथा समन्वय हुनु पर्ने र बिद्यालय व्यवस्थापन समिति तोकिएको काम र दायित्व प्रति जिम्मेवार हुनु पर्नेमा जोड दिनुपर्ने बताउनुभयो ।विद्यालय व्यवस्थापन समिति ,शिक्षक अभिभावक संघ लगायत सरोकारवालाहरुको शैक्षिक ज्ञान,सीप तथा क्षमता अभिबृद्धिको मार्फत बालमैत्री वातावरण तयार गरि सिकाई उपलब्धि बृद्धिमा सहयोगको लागि शैक्षिक सरोकारवालाहरुको कार्यशाला संचालन गरिएको हो ।

बिद्यालय सेवा क्षेत्र भित्रका बालबालिकाहरु सिकाई वातावरण सिर्जनामा सहजताको लागि विद्यालय व्यवस्थापन समिति,शिक्षक अभिभावक संघ , प्रधानाध्यापक , शिक्षक र बालक्लब पदाधिकारी लगायत सरोकारवालाहरु उपस्थिति रहेको थियोे । रिठ्ठाबोटे आधारभुत बिद्यालयका व्यवस्थापन समितिका अध्यक्ष हस्तबहादुर तामाङको अध्यक्षतामा भएको कार्यशालामा ४८ जनाको सहभागीता रहेको थियोे ।

यसैगरी गजुरी गाउँपालिका वडा नं ६ मा अवस्थित जनचेतना आधारभुन बिद्यालयमा पनि शैक्षिक उपलब्धि बृद्धिमा सरोकारवालाहरुको भुमिका बिषयक २ दिने कार्यशाला सम्पन्न भएको छ । कार्यशालामा शैक्षिक सुधारका बिषयबस्तुहरुमा प्रयास नेपाल धादिङका रेनुका रुपाखेती र दशरथ दुवाडीले सहजिकरण गर्नु भएको थियो । कार्यशालाले शैक्षिक सुधार सवालहरु पहिचान गरेको र उक्त सवाहरुलाई योजना बनाई कार्यान्वयन गरिने प्रधानाध्यापक राधा कँडेलले बताउनु भयो ।

शैक्षिक विकास तथा सिकाई उपलब्धि बृद्धि र बोध सहितको शिक्षण प्रणाली प्रबर्द्धन गर्न बिद्यालय व्यवस्थापन समिति ,शिक्षक अभिभावक संघ लगायत बिद्यालयसँग सम्बन्धित सरोकारवालाहरुसँग अन्तरक्रियात्मक कार्यशालाको लागि सहयोग गरिएको प्रयास नेपाल धादिङका कार्यकारी निर्देशक दामोदर अर्यालले बताउनु भयो ।

गजुरीका ४५ सामुदायिक विद्यालयहरुमा बाल बिकास कार्यक्रम गजुरी गापा, प्लानेट ईनफान्ट एण्ड डेभलपमेन्टको साझेदारीमा प्रयास नेपाल धादिङले सम्बन्धित बिद्यालयसँग समन्वय र सहकार्यमा संचालन गरि कार्यशाला आयोजना गर्न समन्वय तथा सहकार्य पनि अर्यालले बताउनुभयो।

कार्यशाला पछि बिद्यालयको शैक्षिक सुधार लागि कार्ययोजना र बिद्यालयका शिक्षक, बिद्यार्थी , अभिभावक लगायत सबै सरोकारवालाहरुको लागि आचार संहिता निर्माण गरिएको र पुर्ण रुपमा कार्यान्वयन गरिने रिठाबोटे आधारभुत बिद्यालयका प्रधानाध्यापक हरिशरण तामाङले बताउनुभयो ।