धादिङमा आज ११ जना डेङ्गीका बिरामी: ४ जनामा स्क्रब टाइफसको संक्रमण

धादिङ–पछिल्लो २४ घण्टामा धादिङमा ११ जना डेङ्गीका बिरामी भेटिएका छन्।५ जना पुरुष र ६ जना महिला गरी थप ११ जना डेङ्गीका बिरामी भेटिएको स्वास्थ्य कार्यालय धादिङले जनाएको छ।

संक्रमितमध्ये बेनिघाट रोराङका ५ जना, नीलकण्ठ नगरपालिकाका ४ जना, सिद्धलेक र रवीभ्यालीका १/१ जना रहेका छन्।

साउन यता जिल्लामा संक्रमित हुनेको संख्या ३ हजार १४१ पुगेको छ।जसमा पुरुष १ हजार ५१८ र महिला १ हजार ६२३ जना छन्। हालसम्मको कुल संक्रमितमध्ये २ हजार ५८३ जना निलकण्ठका मात्रै छन् ।

संक्रमणकै कारण धादिङमा २ जनाको मृत्यु समेत भएको छ।

यसैगरी आज थप ४ जनामा स्क्रब टाइफस संक्रमण भएको छ।आज ४ महिला र ४ पुरुषमा संक्रमण भएको हो ।संक्रमितहरुमा ज्वालामुखीका २,सिद्धलेक र नीलकण्ठका १/१ जना छन्।

अहिलेसम्म स्क्रब टाइफस संक्रमित हुनेको संख्या १५२ पुगेको छ।संक्रमितहरुमा ५७ जना पुरुष र ९५ जना महिला छन् ।गत बर्ष २०७९÷०८० मा जम्मा ४८ जनामा देखिएको स्क्रब टाइफस अहिले १० हप्ताको अवधीमा मात्रै १५२ जना संक्रमित भईसकेका छन्।