जेष्ठ नागरिकहरुलाई निःशुल्क एम्वुलेन्स सेवा

जेष्ठ नागरिकहरुलाई निःशुल्क एम्बुलेन्सको व्यवस्था गरिने भएको छ।लमजुङको मस्र्याङदी गाउँपालिकाले पालिका भित्रका जेष्ठ नागरिकहरुलाई निःशुल्क एम्बुलेन्सको व्यवस्था गर्ने भएको हो।

गाउँपालिकाले विभिन्न समस्या भएर स्वास्थ्य उपचारका निम्ति आवश्यक परेका खण्डमा ७० वर्ष माथिका जेष्ठ नागरिकहरुलाई निःशुल्क एम्वुलेन्सको व्यवस्थापन गर्ने भएको हो ।

गाउँपालिकाको यस अघि भएको गाउँ सभाबाट निति तथा कार्यक्रमबाट नै जेष्ठ नागरिकहरुलाई स्वास्थ्य उपोचारका लागि निःशुल्क एम्बुलेन्स व्यवस्थापन गर्ने निर्णय पारित भएको थियो । सोही निर्णयलाई कार्यन्वयनमा ल्याईएको गाउँपालिका अध्यक्ष अर्जुन गुरुङले बताए ।

गाउँपालिकाले जेष्ठ नागरिकहरुलाई स्वास्थ्यमा समस्या भएर उपचारका निम्ती जिल्ला अस्पतालसम्म पुग्नु पर्ने भएमा वा जिल्ला अस्पतालबाट फर्कनु पर्ने भएमा गाउँपालिकाको आफ्नै एम्बुलेन्स मार्फत निःशुल्क सेवा दिने भएको हो । जिल्ला अस्पताल भन्दा बाहिर जानु परेमा भने सो सेवा उपलब्ध गराउन नसकिने गाउँपालिकाले जनाएको छ ।