बाल विकास शिक्षकहरुको लागि ७ दिने आधारभुत तालीम शुरु

बेनिघाट रोराङ,०२ पौष।
बेनिघाट रोराङ गाउँपालिकाका बाल विकास शिक्षकहरुको ज्ञान, सीप तथा क्षमता अभिबृद्धिको लागि आधारभुत तालीम शुरु भएको छ।

बालमैत्री वातावरण तयार गरि सिकाई उपलब्धि बृद्धिमा सहयोग पु¥याउन बाल विकास शिक्षकहरुको लागि बालमैत्री कक्षा कोठा व्यवस्थापन तथा सामाग्री निर्माण, कक्षा तथा सामाग्री व्यवस्थापन र परिचालन सम्बन्धी ७ दिने आधारभुत तालीम आयोजना गरिएको हो ।

गाउँपालिकाको वडा नम्बर ६,८ र १० का सामुदायिक विद्यालयहरुमा शिक्षामा पहुँच सुनिश्चितता परियोजना अन्तरगत गाउँपालिकाको समन्वय, चाईल्ड फण्ड जापानको साझेदारीमा प्रयास नेपाल धादिङले सम्बन्धित बिद्यालयसँग समन्वय र सहकार्यमा तालीम संचालन गरेको हो ।

तालीमको शुरुवात गर्दै गाउँपालिका अध्यक्ष कृष्ण बहादुर थपलिया(बिबेक)ले बालबालिकाहरुको सर्वाङ्गिन विकासको लागि गाउँपालिकाले जिम्मेवारीपुर्वक काम गरेको बताउनुभयो।

गाउँपालिकाले बालबालिका र शिक्षालाई केन्द्रमा , राखेर योजनाबद्ध रुपमा काम थालनी गरी विकास साझेदारहरुसँग समन्वय तथा सहकार्य समेत गरि शैक्षिक सुधारमा केन्द्रित भएर काम गरिरहेको अध्यक्ष थपलियाको भनाई छ।

२ वर्ष वा १ हजार दिनमा ८० प्रतिशत मष्तिकको विकास हुने र ५ बर्षमा ९० प्रतिशत हुने भएकोले बाल विकास समुहका बालबालिकाहरुलाई केन्द्रित गरि शैक्षिक कार्यक्रम मार्फत रुपान्तरणको लागि गाउँपालिकाले प्रयास नेपाल सँगको सहकार्यमा सामुदायिक विद्यालयमा सहकार्य तथा सहजिकरण गर्ने गरि कार्यक्रम शुरुवात गरिएको उपाध्यक्ष टाप बहादुर श्रेष्ठले बताउनुभयो ।

कार्यशालाले सामुदायिक बिद्यालयका बालबालिकाहरु सिकाई वातावरण सिर्जनामा सहजताको लागि कक्षा कोठामा बालमैत्री सामाग्री सहयोग र बालबालिकाको विकासमा अभिभावक तथा सम्बन्धित सरोकारवालाहरुको भुमिका उत्तरदायित्व लगायतका सवालहरुमा सहजिकरण तथा सहयोग हुने प्रयास नेपाल धादिङका कार्यकारी निर्देशक दामोदर अर्याल जानकारी दिनुभयो।

तालिम उद्घाटन सत्रमा भनाई राख्नु हुँदै चाईल्ड फण्ड जापानका एरिया मेनेजर दल बहादुर सुनारले बालबालिकाहरुको शैक्षिक सुधारमा टेवा पु¥याउन बालबालिकाहरुलाई केन्द्रमा राखेर स्थानीय साझेदार संस्था प्रयास नेपाल, धादिङसँगको साझेदारीमा आगामी ५ बर्षसम्मको लागि शिक्षामा पहुँच सुनिश्चिता परियोजना संचालन मार्फत बेनिघाट रोराङलाई सहयोग गर्न लागिएको बताउनुभयो ।

परियोजना अन्तरगत बालबालिकाहरुको सर्वाङिण विकाससँग सम्बन्धित सहभागितात्मक विधीबाट तयार गरिएका क्रियाकलापहरु सम्बिधत सरोकार वालाहरुको समेत संलग्नतामा कार्यान्वयन गरिने योजना रहे अनुसार नै यो तालिम संचालन भएको बताउनु भयो ।

आधारभुत तालीममा बाल विकास के हो ? बाल कक्षामा किन बालमैत्री वातावरण सिर्जना गर्न जरुरी छ , सिकाईमा बाल मनोभावना अनुसार बाल विकास कक्षाकालाई किन छ सिकाई क्षेत्रमा विभाजन गरि व्यवस्थापन गर्नुपर्छ बालबालिका सिकाईमा कसरी सहजिकरण गर्ने , स्थानीय स्तरमा उपलब्धि बस्तुहरुलाई कसरी शैक्षिक सामाग्रीको रुपमा प्रयोग गर्ने ,बालबालिका र पारिवारिक सदस्यको सुमधुर सम्बन्ध , परिवारले बालबालिकालाई गर्नुपर्ने स्याहार तथा हेरचाह,अभिभावकसँग नियमित छलफल तथा सचेतना सेसन संचालन बिधि प्रक्रिया लगायतका बिषयमा सेतोगुँरास कपिलवस्तुका प्रशिक्षक भगवती थापाले सहजिकरण गर्नुहुने प्रयास नेपाल धादिङका फिल्ड कार्यक्रम अधिकृत सुमित्रा चेपाङले जानकारी दिनुभयो ।

तालिम पुस ७ गते सम्म संचालन हुनेछ ।