गजुरीमा प्रारम्भिक वालविकासमा लगानी परियोजनाको समिक्षा,परियोजना बहिर्गमन

धादिङ।गजुरी गाउँपालिकामा सञ्चालित प्रारम्भिक वालविकासमा लगानी परियोजनाको समिक्षा गरिएको छ।

प्रयास नेपालको आयोजना, प्लानेट इन्फान्टस एण्ड डेभलपमेन्टको सहयोग र गजुरी गाउँपालिकाको समन्यव तथा सहकार्यमा तीन वर्ष अगाडी देखि गाउँपालिका भित्रका ४४ वटा सामुदायिक विद्यालय र १ वटा समुदायको बालविकास केन्द्रमा बाल विकास लक्षित गरि संञ्चालित थियो।

शुक्रबार परियोजनाको समिक्षा तथा बहिर्गमन कार्यक्रमको आयोजना गरी परियोजना समाप्तीपछि परियोजनाले गरेका उपलब्धि सहितको दस्तावेज गाउँपालिकालाई हस्तान्तरण गरेको हो ।

कार्यक्रममा गाउँपालिका अध्यक्ष गणेशलाल श्रेष्ठ, उपाध्यक्ष सर्मिला बिसुराल, बिभिन्न वडाका वडाध्यक्षहरु,प्रयास नेपालका अध्यक्ष बिर बहादुर श्रेष्ठ, कार्यकारी निर्देशक दामोदर अर्याल, संस्थाका कर्मचारी लगाएत सरोकारवालाहरुको उपस्थिती थियो।

कार्यक्रममा बोल्दै गाउँपालिका अध्यक्ष श्रेष्ठले परियोजनाले गरेको कामप्रति धन्यवाद व्यक्त गर्नुभयो।साथै परियोजनाले आफूहरूलाई हस्तान्तरण गरेको उपलब्धिलाई संस्थागत गर्दै अगाडि बढ्ने पनि प्रतिबद्धता व्यक्त गर्नुभयो। अबका दिनमा शिक्षामा राजनितिकरण नहुने र शिक्षाको क्षेत्रमा केही सुधार भएको बताउनुभयो।

पालिकाका उपाध्यक्ष सर्मिला विसुरालले संस्थाले ४५ वटा विद्यालयमा बालविकास केन्द्रमा गर्नु भएको सहयोगको उच्च प्रशंसा व्यक्त गर्नुभयो। उहाँले विभिन्न विद्यालयमा अध्यायन अबलोकन भ्रमण गराएर बालविकास केन्द्रमा परिवर्तन ल्याउन राम्रो भूमिका प्रयासले खेलेको बताउनुभयो।

गजुरीमा परियोजना अबधिमा बालविकास केन्द्रको लागि बालविकास कोषस्थापनामा ठूलो भूमिका पालिकाले निर्वाह गरेको प्रयास नेपालका कार्यकारी निर्देशक दामोदर अर्यालले बताउनुभयो।

उहाँका अनुसार ४५ वटा विद्यालयमा अभिभावक शिक्षा कार्यक्रम,बालविकास केन्द्रित रेडियो जिगंल प्रसारण, प्रारम्भिक बालविकास सम्बन्धि ५ वर्ष रणनीतिक योजना निर्माण,४५ विद्यालयका ४६ जना बालविकास सहजकर्ताहरुलाई बालमैत्री बालविकास कक्षा कोठा व्यवस्थापन तथा सहजीकरण सीप सम्बन्धि तालिम प्रदान लगायतका विषयमा रहेर परियोजना सञ्चालन गरिएको छ ।

कार्यत्रलममा बोल्नु हुँदै शिक्षा शाखाका स्रोत व्यक्ति सुजन भण्डारीले परियोजना पछि विद्यालयको बालविकास केन्द्रमा उल्लेख रुपमा परिवर्तन आएको बताउनुभयो।

त्यसै गरी कार्यत्रलममा बोल्नु हुँदै वडा नम्बर ७ का वडा अध्यक्ष बद्रि प्रसाद जम्कटेलले प्रारम्भिक बालविकासको क्षेत्रमा प्रयास नेपालले खेल्नु भएको भूमिकाको प्रशंसा गर्नु भएको छ ।

उहाँले विभिन्न विद्यालयमा अध्यायन अबलोकन भ्रमण गराएर बालविकास केन्द्रमा परिवर्तन ल्याउन ठूलो भूमिका प्रयासले खेलेको बताउनुभयो।