अन्तर विद्यालय स्तरीय हाजिरी जवाफमा नीलकण्ठ मावी प्रथम

धादिङमा अन्तर विद्यालय स्तरीय हाजिरी जवाफ,नीलकण्ठ मावी प्रथम
धादिङ । धादिङमा भएको अन्तर विद्यालय स्तरीय हाजिरी जवाफ प्रतियोगितामा नीलकण्ठ माध्यमिक विद्यालय प्रथम भएको छ।

गणित शिक्षा परिषद धादिङकोे आयोजनामा धादिङबेशीस्थित नीलकण्ठ माविमा भएको अन्तर विद्यालय स्तरीय हाजिरी जवाफ प्रतियोगिता (आधारभुत तह कक्षा ६–८)मा नीलकण्ठ प्रथम भएको हो ।

प्रतियोगितामा धादिङबेशीकै न्यु किबो बोर्डिङ स्कुल द्धित्तिय र चिल्ड्रेन पार्क बोर्डिङ स्कुल तृतीय भएको छ ।

प्रतियोगितामा प्रथम, द्धित्तिय र तृतीय हुनेलाई क्रमश नगद ४ हजार ५ सय, तिन हजार र १ हजार ५ सयसहित प्रमाणपत्र, मेडल, शैक्षिक सामाग्री, ट्रफी प्रदान गरिएको छ ।

१९ बिद्यालय सहभागी प्रतियोगितामा छनौट राउन्ड, अङ्कगणित राउन्ड, क्षेत्रमिति राउन्ड, बिजगणित राउन्ड, ज्यामिती राउन्ड, पेपर फोल्डिङ राउन्ड, भिजुवल राउन्ड, आइक्यु राउन्ड र ¥यापिड फाइर राउन्ड सञ्चालन गरिएको थियो।

गणित शिक्षा परिषद धादिङका अध्यक्ष तथा न्यु किबो बोर्डिङ स्कुलका प्रीन्सिपल प्रयास रेग्मीको अध्यक्षतामा भएको कार्यक्रममा शिक्षा विकास तथा समन्वय ईकाइ प्रमुख भगवान पौडेलको प्रमुख आतिथ्यता तथा नीलकण्ठ नगरपालिका शिक्षा, युवा तथा खेलकुद शाखाका प्रमुख प्रकाश दत्त भट्टको विशेष आतिथ्यता रहेको थियो ।

कार्यक्रममा गणित शिक्षा परिषद धादिङ पूर्व अध्यक्ष तथा पूर्व केन्द्रीय सदस्य नीलकण्ठ माविका प्र.अ धु्रब अधिकारी, निवर्तमान अध्यक्ष बद्री प्रसाद कोइरालाको आतिथ्य रहेको थियो ।

गणित शिक्षा परिषद धादिङका सचिव उत्तम भट्टले सञ्चालन गर्नुभएको कार्यक्रममा कोषाध्यक्ष देब कुमारी दनैले स्वागत मन्तव्य राख्नुभएको थियो भने क्वीज मास्टरमा गणित शिक्षा परिषद धादिङका उपाध्यक्ष चेतनारायण श्रेष्ठ र सदस्य कृष्ण बहादुर राउत रहनुभएको थियो ।