चालिसेमा निशुल्क स्वास्थ्य शिविर,५ सय जनाले लिए सेवा

धादिङ। धुनिबेशी नगरपालिका-६ धार्के चालिसेमा निशुल्क स्वस्थ शिविर सञ्चालन गरिएको छ।

शनिबार स्व.कृष्ण गोपाल फाउन्डेसनको आयोजना तथा शहिद मेमोरियल हस्पिटल कलंकीको सहकार्यमा भएको शिविरमा ५ सय भन्दा बढीले सेवा लिएका छन्।

शिविरमा विशेष चिकित्सकहरुको टोलिद्वारा हाड्रोसिल ,स्त्रीरोग, हाडजोर्नी तथा नसा रोगको परिक्षण तथा उपचार ,आँखा परिक्षणको साथै निशुल्क चस्मा वितरण र आवश्यकता अनुसार औषधि पनि निशुल्क वितरण गरिएको आयोजकले जनाएको छ।

फाउन्डेसनका अध्यक्ष तथा प्रदेश सांसद मदु कुमार श्रेष्ठले आफ्नो पिता स्व.कृष्ण गोपाल श्रेष्ठको इच्छा, चाहाना पूरा गर्नको निम्ति र आफुमात्र बन्ने हैन अरुलाइ पनि सेवा गर्नु पर्छ भन्ने प्रेरणाको साथ यस्ता सामाजिक कार्यमा लागेको बताउनुभयो ।

आफू कुनै एक पाटिको सदस्य भए पनि आफुले हेर्ने दृष्टिकोण सबैलाई बराबर रहेको बताउनु भयो।

हिजोका दिनहरुमा पनि सामाजिक कार्यमा काम गर्दै आएको र अब भोलिका दिनहरुमा पनि आफू रहुन्जेल आफू जन्मेको थलो धादिङलाई माया गरि यस्ता सामाजिक कार्यमा लागिरहने श्रेष्ठले कुराकानिको क्रममा बताउनुभयो।