नेपालबाट यस वर्षको मनसुन बाहिरिने चरणमा

काठमाण्डौ,२९ असोज ।
नेपालबाट यस वर्षको मनसुन बाहिरिने चरणमा पुगेको छ । मौसम पूर्वानुमान महाशाखाका अनुसार अहिले मनसुनी वायुको प्रभाव कमजोर बनेर बाहिरिने चरणमा रहेको छ । मनसुन बाहिरिएको औपचारिक घोषणाका लागि अन्तिम तयारीमा रहेको महाशाखाले जनाएको छ ।

नेपालबाट मनसुन बाहिरिने औसत समय अक्टोबर दुई तारिख हो । तर मनसुन औसत समयभन्दा झन्डै दुई हप्ता लम्बिसकेको छ । अहिले कर्णाली प्रदेश लगायत देशको पहाडी भू–भागमा आंशिक बदली रही बाँकी भू–भागमा मौसम सामान्यतया सफा रहेको छ ।

देशको पहाडी क्षेत्रको सडक तथा हवाई यातायातमा मौसमको सामान्य प्रभावको सम्भावना रहेकोले आवश्यक सतर्कता अपनाउन महाशाखाले अनुरोध गरेको छ ।