वाग्मती सहित पाँच प्रदेशबाट मनसुन पूर्णरुपमा बाहिरियो

काठमाण्डौ,२८ असोज।
यस वर्षको मनसुन देशका पाँचवटा प्रदेशबाट पूर्णरुपमा बाहिरिएको छ । मौसम पूर्वानुमान महाशाखालेसुदूरपश्चिम, कर्णाली, लुम्बिनी, गण्डकी र वाग्मती प्रदेशबाट मनसुन बाहिरिएको विशेष बुलेटिनमार्फत जानकारी गराएको हो ।

यस्तै, मधेस प्रदेशको पश्चिमी भू–भागबाट पनि मनसुन बाहिरिएको छ । प्रदेश–१ र मधेस प्रदेशको बाँकी भूभागबाट मनसुन बाहिरिन भने केही दिन लाग्ने महाशाखाले जनाएको छ ।

यस वर्षको मनसुन जुन ५ अर्थात गएको जेठ २२ गते देशको पूर्वी क्षेत्रबाट प्रवेश गरेको थियो ।औसतमा अक्टोबर २ का दिन नेपालबाट बाहिरिने मनसुन, यस वर्ष औसत मितिभन्दा १३ दिन ढिला गरी बाहिरिएको छ ।

प्रदेश–१ र मधेस प्रदेशको केही भागमा भने अझै केही दिन ढिला हुने देखिएको मौसमविद् हिरा भट्टराईले जानकारी दिनुभयो ।