आजदेखी सुरु हुदैँ धादिङ महोत्सव,२ बजे उद्घाटन हुने

धादिङ,०७ पौष ।
धादिङमा आजदेखी आठौँ धादिङ महोत्सव सुरु हुदैँ छ । महोत्सवको उद्घाटन बागमती प्रदेशका मुख्यमन्त्री राजेन्द्र पाण्डेले गर्ने हुनुभएको छ। महोत्सवको सम्पूर्ण तयारी सकिएको आयोजकले जानकारी दिएको छ ।

धादिङको दिगो विकास र अर्थतन्त्रको आधार, कृषि जलस्रोत पर्यटन र उद्योगको पुर्वाधान भन्ने मुल नाराको साथ धादिङ उद्योग बाणिज्य संघको आयोजनामा आजदेखि १७ गतेसम्म चल्ने महोत्सवको उद्घाटन गर्न मुख्यमन्त्री पाण्डेलाई प्रमुख अतिथिको रुपमा निमन्त्रणा गरिएको धादिङका उद्योग बाणिज्य संघका अध्यक्ष एवं महोत्सव मुल समारोह समितिका संयोजक विष्णु थपलियाले बताउनुभयो । महोत्सवको उद्घाटन आज दिउँसो २ बजे गर्ने तय भएको छ ।

उद्घाटन सत्रअघि रुवीभ्याली गाउँपालिकाको तामाङ सस्कृति घोडचढी नाथ देखि बेनिघाट रोराङ गाउँपालिकाको चेपाङ सस्कृतिसम्मलाइ समेटेर झाँकी तथा शोभा यात्रा निकालिने महोत्सव मुल आयोजक समितिले जानकारी दिएको छ ।

यस्ता छन् महोत्सवकोे मुख्य आर्कषणहरु :
 स्थानीय तह भित्र उत्पादन हुने वस्तु तथा सेवाको प्रद्धर्शनी
 कृषि प्रदर्शनी
 साना तथा घरेलु उत्पादनको प्रद्धर्शनी तथा विक्री वितरण
 विविध साँस्कृतिक प्रदर्शनी
 पर्यटन प्रवद्र्घन सम्वन्धी विविध कार्यक्रमहरु
 स्थानीय, राष्ट्रिय तथा अन्तराष्ट्रिय औद्योगिक वस्तुहरुको प्रदर्शनी तथा विक्री
 हस्तकलाको प्रदर्शनी तथा विक्रि वितरण
 राष्ट्रिय तथा स्थानीय ख्याति प्राप्त कलाकारहरुवाट दैनिक साँस्कृतिक प्रस्तुती
 खनिजजन्य वस्तुको प्रदर्शनी तथा विक्री
 जडिवुटीको प्रदर्शनी, विक्री तथा जानकारी
 आदिवासीहरुको भेषभुषा, संस्कृति तथा रहनसहनको प्रदर्शनी
 इलेक्ट्रिक तथा इलेक्ट्रोनिक्स वस्तुहरुको प्रदर्शनी तथा विक्री/सूचना प्रविधी सम्बन्धी जानकारी