त्रिपुरासुन्दरीमा इलेक्ट्रोनिक्स तथा एसी फ्रीज मर्मत सम्बन्धी तालिम सुरु

धादिङ,०१ फागुन ।
धादिङको त्रिपुरासुन्दरी गाउँपालिकामा इलेक्ट्रोनिक्स तथा एसी फ्रीज मर्मत सम्बन्धी तालिम सुरु भएको छ ।

बेरोजगार युवाहरुलाई सिप सिकाई आत्मनिर्भर बनाउने उद्धेश्यले गाउँपालिकाको आयोजनामा ४५ दिने इलेक्ट्रोनिक्स तथा एसी फ्रीज मर्मत तालिम आजदेखी सुरु भएको हो । तालिमको आज गाउँपालिकाकाका अध्यक्ष राजु उप्रेतीले उद्घाटन गर्नुभएको गाउँपालिकाका सुचना अधिकारी सुरेस रिजालले जानकारी दिनुभयो ।

इलेक्ट्रोनिक्स सामाग्रीहरु मर्मत संभार गर्नको लागि गाउँपालिकाकै जनशक्तिले सकुन् भन्ने हेतुले तालिम सुरु गरिएको सुचना अधिकारी रिजालले बताउनुभयो ।

तलिममा १६ जना सहभागि छन् । तालिम उद्घाटनमा गाउँपालिका अध्यक्ष राजु उप्रेती, उपाध्यक्ष देवराज धरेल, बिभिन्न वडाका वडा अध्यक्षहरु लगायतको उपस्थिति रहेको थियो ।