जग्गाको कित्ताकाट तत्काल सुचारु गर्न धादिङका पूर्व प्रहरी संगठनको माग

धादिङ,०२ चैत ।
धादिङका पुर्व प्रहरी संगठनहरुले जग्गाको कित्ताकाट गर्ने कार्य तत्काल सुचारु गर्न माग गरेका छन् ।

पूर्व प्रहरी संगठन धादिङका अध्यक्ष नवराज दुवाडीको नेतृत्व टोलिले बिहीबार प्रमुख जिल्ला अधिकारी रमेश ढकाल मार्फत सरकारलार्ई ज्ञापन पत्र बुझाउदै पुर्व प्रहरी संगठनहरुले जग्गाको कित्ताकाट गर्ने कार्य तत्काल सुचारु गर्न माग गरेका हुन् ।

देशैभर रोकिएर बसेको जग्गाको कित्ताकाट समस्याले धादिङ जिल्ला अझ बढी मारमा परेकोे ज्ञापन पत्रमा उल्लेख गरिएको छ ।

हालको परिस्थितिमा मुल समस्याको रुपमा रहेको जग्गाको कित्ताकाट नेपाल सरकारबाट भएको रोकावटले नेपाल पुर्व प्रहरी लगायत आम जनताहरुले झेल्नु परेको अंशबण्डा लगायतका जटिल काम कार्यहरु बिगद लामो समय देखि रोकिएर बसेकोले जग्गाको कित्ताकाट गर्ने कार्य तत्काल सुचारु गर्ने वातावरण सृजना गर्न ज्ञापन पत्रमा भनिएको छ ।