गजुरीका महिलाहरुलाई भाषण तथा उद्घोषण तालिम

धादिङ,१५ बैशाख।
गजुरी गाउँपालिकामा अगुवा महिला भाषण तथा उद्घोषण तालिम सुरु भएको छ।

गाउँपालिकाको महिला बालबालिका तथा ज्येष्ठ नागरिक शाखाको आयोजनामा आजदेखि ३ दिने अगुवा महिला भाषण तथा उद्घोषण तालिम सुरु भएको गाउँपालिका उपाध्यक्ष शर्मिला बिसुरालले जानकारी दिनुभयो ।

तालिमको आज गाउँपालिकाका अध्यक्ष गणेश लाल श्रेष्ठले उद्धघाटन गर्नुभएको हो । तालिममा प्रत्येक वडाका ४/४ जनागरी ३२ जना सहभागिता रहेका छन् अगुवा महिलाहरुलाई बोल्ने कलाको विकास गर्न र आफ्नो कुराहरु औपचारिक कार्यक्रममा राख्न सजिलो बनाउनको लागि तालिमको आयोजना गरीएको बिसुरालले बताउनुभयो ।

महिलाहरुले तालिमको माग गरी पालिकामा निवेदन दिएपछि पालिकाले बजेट बिनियोजन गर्नुको सट्टामा तालिमकै आयोजना गरेको बिसुरालको भनाई छ ।